ڕۆژی‌ چوارشه‌ممه‌ سه‌رۆكی‌ ئه‌نجومه‌نی‌ نوێنه‌رانی‌ عێراق به‌ڕێز ئوسامه‌ نوجێفی‌ پێشوازیكرد له‌ به‌ڕێز ناجیح حه‌ممود سه‌رۆكی‌ یه‌كێتی‌ تۆپی‌ پێی‌ عێراقی‌ و چه‌ند ئه‌ندامێكی‌ یه‌كێتییه‌كه‌, باسیان له‌هه‌موو ئه‌و كێشه‌و گرفتانه‌ كرد كه‌ ڕووبه‌ڕووی‌ تۆپی پێی‌ عێراقی‌ بۆته‌وه‌ له‌لای‌ خۆیه‌وه‌ به‌ڕێز ناجیح حه‌ممود به‌ووردی‌ باسی له‌ خۆئاماده‌كاردنی‌ تیمه‌كه‌ بۆ ئاستی‌ كۆتایی پاڵاوتنی‌ مۆندیالی‌ به‌رازیل كرد, هه‌روه‌ها سه‌رۆك نوجێفی‌ په‌یمانی‌ به‌ئه‌ندامانی‌ تیمه‌كه‌ دا كاربكات بۆ دانانی‌ یاسایه‌ك تا یاریزانه‌كانی‌ سه‌ركه‌وتوو بۆ ئه‌ومۆندیاله‌ پارچه‌ زه‌وی نیشته‌جێبوونیان پێبخه‌شرێت, هه‌روه‌ها حه‌ممود داوای‌ پشتیوانی‌ له‌ سه‌رۆك نوجێفی‌ كرد بودجه‌ی‌ یه‌كێتییه‌كه‌یان له‌ بودجه‌ی‌ كۆتاییدا بۆ زیادبكرێت.

ئێواره‌ی‌ شه‌ممه‌ سه‌رۆكی‌ ئه‌نجومه‌نی‌ نوێنه‌ران به‌ڕێز ئوسامه‌ نوجێفی‌ پێشوازی‌ له‌ سه‌ماحه‌تی‌ عه‌ممار ئه‌لحه‌كیم و شانده‌یاوه‌ره‌كه‌ی‌ كرد، باسیان له‌ قه‌یرانی‌ ئێستای‌ عێراق و ڕه‌نگدانه‌وه‌ی‌ له‌سه‌ر پرۆسه‌ی‌ سیاسی‌ عێراق كرد .

سه‌رۆكی‌ ئه‌نجومه‌نی‌ نویَنه‌ران به‌ڕێز ئوسامه‌ نوجێفی‌ داوا له‌ سه‌ركرده‌ی‌ ده‌زگا ئه‌منییه‌كانی‌ به‌غدا و پارێزگاكان ده‌كات به‌رپرسیاربن له‌ به‌رامبه‌ر ئه‌و ته‌قینه‌وانه‌ی‌ هاووڵاتی‌ بێتاوانی‌ سه‌رتاسه‌ری‌ عێراق ده‌گرێته‌وه‌، ونیگه‌ران بوو له‌دووباره‌بوونه‌وه‌ی‌ ڕوودانی‌ ئه‌و تاوانانه‌ بێ ئه‌وه‌ی‌ چاره‌سه‌ری‌ ته‌واو بكرێت .

له‌برۆسكه‌یه‌كیدا سه‌رۆكی ئه‌نجومه‌نی نوێنه‌ران به‌ڕێز ئوسامه‌ نوجێفی پیرۆزبایی له‌ سه‌رۆكی په‌رله‌مانی مه‌غریب به‌ڕێز كه‌ریم غه‌لاب ده‌كات به‌بۆنه‌ی جه‌ژنی نیشتیمانی وڵاته‌كه‌ی وتێیدا هاتبوو" خۆشحاڵم كه‌ گه‌رمترین پیرۆزبایی له‌ئێوه‌ی به‌ڕێز بكه‌م به‌بۆنه‌ی جه‌ژنی نیشتیمانی مه‌غریب وهیواخوازم كه‌ هه‌رده‌م سه‌ركه‌وتووبن له‌ كاره‌كانتاندا بۆ خزمه‌تی گه‌لی مه‌غریبدا.