به‌ڕێز ئوسامه‌ نوجه‌یفی سه‌رۆكی ئه‌نجومه‌نی نوێنه‌ران ڕووداوه‌ خوێناویه‌كانی پارێزگای سه‌ڵاحه‌دینی ڕیسواكرد كه‌ بووه‌ هۆی شه‌هیدبوون و برینداربوونی ده‌یان كه‌س له‌ هاوڵاتیانی مه‌ده‌نی و ڕۆژنامه‌نووس و پۆلیس و به‌رپرسانی ناوخۆیی له‌ باره‌گای پارێزگاكه‌ پاش ئه‌و هێرشه‌ چه‌كداریه‌ی كرایه‌ سه‌ر باره‌گای ئه‌نجومه‌نی پارێزگا.هه‌روه‌ك سه‌رۆكی ئه‌نجومه‌نی نوێنه‌ران نیگه‌رانی خۆشی ده‌ربڕی به‌رامبه‌ر گه‌ڕانه‌وه‌ی هێرشه‌ چه‌كداریه‌كان كه‌ بۆته‌ هۆی شه‌هیدبوونی هاوڵاتیان و داواشی له‌ حكومه‌تی عێراقی كرد كه‌ كه‌موكوڕی و خه‌رقه‌ ئه‌منیه‌كان دیاری بكات و به‌په‌له‌ كاربكات بۆ چاره‌سه‌ركردنیان به‌شێوازێكی پیشه‌ییانه‌و لێكۆڵینه‌وه‌ش بكرێت له‌و ڕووداوه‌ بۆ زانینی هۆكاره‌كانی و لێپرسینه‌وه‌ی تاوانباران به‌ گوێره‌ی یاسا.

له‌كاتێكدا سوپاسی خوا ده‌كه‌ین له‌سه‌ر سه‌لامه‌تی ڕۆژنامه‌نووسان و میوانانی میوانخانه‌ی سه‌فیر به‌هۆی ئه‌و هێرشه‌ موشه‌كیه‌ی كرایه‌ سه‌ر ئه‌و میوانخانه‌یه‌، ئه‌وپه‌ڕی ناڕه‌زایی خۆمان ده‌رده‌بڕین به‌رامبه‌ر به‌ئامانجگرتنی هاوڵاتیانی بێتاوان و ئه‌و ڕۆژنامه‌نووسانه‌ی كه‌ شه‌وو ڕۆژ سه‌رقاڵی ڕاپه‌ڕاندنی كاره‌كانیانن له‌ پێناوی پێشكه‌شكردنی زانیاری پێویست بۆ ڕای گشتی و ده‌رخستنی ڕاستی و ئاشكراكردنی گه‌نده‌ڵی و چاودێریكردنی پیشه‌ییانه‌ به‌مه‌به‌ستی چه‌سپاندنی بنه‌ماكانی دیموكراتی له‌ وڵاتدا.