سه‌رۆكی ئه‌نجومه‌نی نوێنه‌ران ئوسامه‌ نوجه‌یفی ڕۆژی یه‌كشه‌ممه‌ به‌رواری 13/3/2011 له‌گه‌ڵ ژماره‌یه‌ك له‌ ئه‌كادیمی و ڕاگه‌یاندنكاران و چاودێرانی سیاسی كۆبۆوه‌ به‌مه‌به‌ستی تاووتوێكردنی بارودۆخی ئێستا پش خۆپیشاندانه‌كانی ئه‌مدواییه‌، له‌و كۆبوونه‌وه‌یه‌دا سه‌رۆكی ئه‌نجومه‌نی نوێنه‌ران جه‌ختی له‌سه‌ر ئه‌وه‌كرده‌وه‌ كه‌ ئه‌نجومه‌نی نوێنه‌ران سووره‌ له‌سه‌ر ئه‌وه‌ی ڕۆڵی یاسادانان و چاودێری و سیاسی خۆی به‌باشترین شێوه‌ بگێڕێت به‌و پێیه‌ی باڵاترین ده‌سه‌ڵاته‌ له‌ وڵاتداو ڕوونیشیكرده‌وه‌ كه‌ په‌یوه‌ندی نێوان حكومه‌ت و په‌رله‌مان ده‌بێت له‌ ئاستێكی باشدا بێت و هه‌ریه‌ك ڕۆڵی دیاریكراوی خۆی به‌پێی ده‌ستور بگێڕێت له‌ ڕێی هاریكاریكردنی یه‌كترو هه‌مه‌ئاهه‌نگی به‌مه‌به‌ستی خزمه‌تكردنی گه‌ل.