سه‌رۆكی ئه‌نجومه‌نی نوێنه‌ران ڕۆژی پێنجشه‌ممه‌ به‌رواری 3/2/2011 له‌ باره‌گای ئه‌نجومه‌نی نوێنه‌ران پێشوازیكرد ده‌وڵه‌تی سه‌رۆك وه‌زیران به‌ڕێز نوری مالیكی.له‌دیدارێكه‌دا ڕێككه‌وتن له‌سه‌ر ئه‌و كاندیدانه‌ی پێشكه‌شكراون بۆ هه‌ریه‌ك له‌ وه‌زاره‌ته‌كانی بازرگانی و كاره‌باو وه‌زاره‌تی ده‌وڵه‌ت بۆ كاروباری ئافره‌تان، هه‌روه‌ك هاوڕاشبوون له‌سه‌ر به‌رده‌وامی په‌یوه‌ندیه‌ سیاسیه‌كان له‌ نێوان لیسته‌ سیاسیه‌كان بۆ ته‌واوكردنی ده‌ستپێشخه‌ریه‌كه‌ی سه‌رۆكی هه‌رێمی كوردستان به‌ڕێز مه‌سعود بارزانی ئه‌ویش به‌ چالاككردنی كاره‌كانی هه‌رسێ ئه‌و لیژنانه‌ی كه‌ پێكهێنراون له‌لایه‌ن هاوپه‌یمانی نیشتمانی و هاوبه‌ندی عێراقیه‌و هاوبه‌ندی لیسته‌ كوردستانیه‌كان بۆ كۆتاییهێنان به‌ كێشه‌كانی پرۆسه‌ی سیاسی.

سه‌رۆكی ئه‌نجومه‌نی نوێنه‌ران ڕۆژی پێنجشه‌ممه‌ به‌رواری 3/2/2011 له‌ باره‌گای ئه‌نجومه‌نی نوێنه‌ران پێشوازیكرد له‌ شێخ عه‌بدوڵا بن زاید ئال نهه‌ییان وه‌زیری ده‌ره‌وه‌ی ده‌وڵه‌تی ئیماراتی عه‌ره‌بی یه‌كگرتوو و شاندی هاوڕێی.له‌دیدارێكدا سه‌رۆكی ئه‌نجومه‌نی نوێنه‌ران گه‌شبینی خۆی ده‌ربڕی به‌ سه‌ركه‌وتنی لوتكه‌ی عه‌ره‌بی كه‌ بڕیاره‌ له‌ كۆتایی مانگی ئازاردا سازبكرێت و وڵاتانی عه‌ره‌بیش به‌شداری به‌هێزو كارایان هه‌بێت، ووتیشی:"گه‌لی عێراق چاوه‌ڕێی به‌ستنی لوتكه‌ی عه‌ره‌بی به‌غدایه‌ تاوه‌كو عێراق له‌گه‌ڵ عه‌ره‌ب بێت و عه‌ره‌بیش له‌گه‌ڵ عێراق بێت ئێمه‌ش متمانه‌مان هه‌یه‌ به‌وه‌ی ئیماراتی عه‌ره‌بی یه‌كگرتوو ڕۆڵی گه‌وره‌ی ده‌بێت له‌ هاندانی سه‌ركرده‌كانی عه‌ره‌ب بۆ ئه‌وه‌ی له‌ به‌غدا ئاماده‌ببن و به‌شدار بن له‌و لوتكه‌یه‌".