سه‌رۆكی ئه‌نجومه‌نی نوێنه‌ران بروسكه‌یه‌كی پیرۆزبایی ئاڕاسته‌ی كارمه‌ندانی وه‌زاره‌تی ناوخۆ كرد به‌بۆنه‌ی 89یه‌مین ساڵیادی دامه‌زراندنی پۆلیسی عێراقیه‌وه‌و له‌ ده‌قی بروسكه‌كه‌دا هاتووه‌:پیرۆزبایی ئاڕاسته‌ی گه‌لی عێراق و ڕۆڵه‌كانی وه‌زاره‌تی ناوخۆ ده‌كه‌ین به‌بۆنه‌ی 89یه‌مین یادی دامه‌زراندنی هێزه‌كانی پۆلیسی عێراقی.هێزه‌كانی پۆلیستی عێراقی پێشترو ئێستاش قه‌ڵای پته‌وی ڕۆڵه‌كانی گه‌له‌كه‌مانه‌و پاسه‌وانی وڵاته‌ له‌به‌رامبه‌ر تیرۆریستان كه‌ ده‌یانه‌وێت به‌شێوازی جیاجیا میلله‌ت به‌ ئامانج بگرن به‌شێوه‌یه‌ك گه‌لێك دووره‌ له‌ هه‌ر به‌هایه‌كی مرۆیی.

سه‌رۆكی ئه‌نجومه‌نی نوێنه‌ران پاشنیوه‌ڕۆی ڕۆژی یه‌كشه‌ممه‌ به‌رواری 9/1/2011 له‌ نوسینگه‌ی خۆی پێشوازیكرد له‌ تۆرهان موفتی وه‌زیری ده‌وڵه‌تی بۆ كاروباری پارێزگاو هه‌رێمه‌كان و له‌ دیدارێكدا سه‌رۆكی ئه‌نجومه‌ن جه‌ختیكرده‌وه‌ له‌سه‌ر ئه‌وه‌ی پێشێلی ده‌سه‌ڵاتی پارێزگاو حكومه‌تی پارێزگاكان ده‌كرێت له‌لایه‌ن حكومه‌تی ناوه‌ندیه‌وه‌ له‌كاتێكدا ده‌ستور ئه‌و ده‌سه‌ڵاتانه‌ی پێ به‌خشیون و داكۆكی له‌سه‌رئه‌وه‌شكرد كه‌ ئه‌نجومه‌نی نوێنه‌ران سووره‌ له‌سه‌ر ئه‌وه‌ی ئه‌و تێكه‌لێه‌ی دروست بووه‌ له‌ نێوان ده‌سه‌ڵاته‌كان نه‌هێلرێت و چوارچێوه‌یه‌كی یاسایی هه‌بێت بۆ ده‌سه‌ڵاته‌كان له‌ بازنه‌ی ده‌ستوردا.