لیژنه‌ی یاسایی به‌سه‌رۆكایه‌تی به‌ڕێز به‌ها ئه‌عره‌جی سه‌رۆكی لیژنه‌ له‌به‌رواری 18/6/2008 له‌سه‌ر داوای سه‌رۆكایه‌تی په‌رله‌مان له‌گه‌ڵ نوێنه‌رانی ده‌سته‌ی چاره‌سه‌ركردنی ناكۆكیه‌كانی موڵكایه‌تی كۆبۆوه‌.

لیژنه‌ی یاسایی به‌سه‌رۆكایه‌تی به‌ها ئه‌عره‌جی سه‌رۆكی لیژنه‌ له‌به‌رواری 18/6/2008 كۆبۆوه‌ بۆ تاووتوێكردنی چه‌ند پڕۆژه‌یاسایه‌ك.

پاش ئه‌وه‌ی لیستی ناوی پاڵێوراوان بۆ جێگرانی وه‌زیرو ڕاوێژكاران و باڵوێزان گه‌یشته‌ ئه‌نجومه‌نی نوێنه‌ران، هه‌روه‌ك له‌ پێناوی دانانی پاڵێوراوانی لێهاتوو كه‌ بتوانن ئه‌ركه‌كانیان به‌باشی به‌ڕێوه‌به‌رن له‌م بارودۆخه‌ ناهه‌مواره‌دا، لیژنه‌ی یاسایی له‌ ئه‌نجومه‌نی نوێنه‌ران ئه‌م پێشنیارانه‌ی خواره‌وه‌ی ئاڕاسته‌ی ده‌سته‌ی سه‌رۆكایه‌تی په‌رله‌مان كرد:
1- ئه‌نجامدانی چاوپێكه‌وتن له‌گه‌ڵ پاڵێوراوان بۆ جێگرانی وه‌زیرو ڕاوێژكاران له‌لایه‌ن لیژنه‌ تایبه‌تمه‌نده‌كانه‌وه‌ له‌ پێناوی هه‌ڵسه‌نگاندنیان و پێشكه‌شكردنی ڕاسپارده‌ی پێویست بۆ ئه‌نجومه‌نی نوێنه‌ران.
2- پێكهێنانی لیژنه‌یه‌ك له‌ ئه‌ندامانی لیژنه‌ی یاسایی و په‌یوه‌ندیه‌كانی ده‌ره‌وه‌ بۆ چاوپێكه‌وتنی باڵوێزه‌كان و هه‌ڵسه‌نگاندنیان و پێشكه‌شكردنی ڕاسپارده‌ی پێویست له‌وباره‌یه‌وه‌.
3- داواكردن له‌ حكومه‌ت كه‌ پاڵێوراوان بۆ پۆسته‌ سه‌ربازیه‌كانیش ڕه‌وانه‌ی په‌رله‌مان بكات تاوه‌كو دابمه‌زرێنرێن.

لیژنه‌ی یاسایی به‌سه‌رۆكایه‌تی به‌ها ئه‌عره‌جی و ئاماده‌بوونی ئه‌ندامانی لیژنه‌ له‌ ڕۆژی 4/6/2008 كۆبوونه‌وه‌ بۆ تاووتوێكردنی پڕۆژه‌ی یاسای مووچه‌ی دادوه‌ران و ئه‌ندامانی داواكاری گشتی به‌تایبه‌ت ده‌رماڵه‌ی مه‌ترسی كه‌ له‌ ماده‌ی 2 ی یاساكه‌دا ئاماژه‌ی پێكراوه‌و دوای تاووتوێكردنی بابه‌ته‌كه‌ش لیژنه‌ی یاسایی بڕیاری ئه‌وه‌یدا كه‌ ده‌رماڵه‌ی مه‌ترسی كه‌ له‌ ماده‌ی 2ی یاساكه‌دا ئاماژه‌ی پێكراوه‌ لاببرێت و پڕۆژه‌ یاساكه‌ش بخرێته‌ڕوو به‌مه‌به‌ستی په‌سه‌ندكردنی له‌ دانیشتنی ژماره‌ (3)ی ڕۆژی 4/6/2008.

 

لیژنه‌ی یاسایی به‌سه‌رۆكایه‌تی به‌ڕێز به‌ها ئه‌عره‌جی سه‌رۆكی لیژنه‌ له‌ ڕۆژی یه‌كشه‌ممه‌ به‌رواری 11/5/2008 له‌گه‌ڵ نوێنه‌رانی كۆمسیۆنی باڵای سه‌ربه‌خۆی هه‌ڵبژاردنه‌كان كۆبۆوه‌و له‌ دیداره‌كه‌دا تاووتوێی یاسای هه‌ڵبژاردنه‌كان تاووتوێكرا

هه‌ردوو په‌رله‌مانتار به‌ڕێزان خالید شوانی و موحسین سه‌عدون ئه‌ندامانی  لیژنه‌ی یاسایی له‌ ڕۆژی یه‌كشه‌ممه‌ به‌رواری 11/5/2008 له‌گه‌ڵ نوێنه‌رانی تیمی نێوده‌وڵه‌تی بۆ پشتیوانی عێراق كۆبوونه‌وه‌. له‌دیداره‌كه‌دا تاووتوێی یاسای هه‌ڵبژاردنه‌كان كراو لیژنه‌ی یاسایی سوپاسی تیمی نێوده‌وڵه‌تی كرد به‌رامبه‌ر پێشكه‌شكردنی هاوكاریه‌كانیان له‌مڕوه‌وه

ئه‌و پڕۆژه‌ یاسایانه‌ی‌ كه‌ خوێندنه‌وه‌ی یه‌كه‌می پێشكه‌شكراوه‌:
1. پڕۆژه‌ی یاسای پشووه‌ فه‌رمیه‌كان له‌ به‌رورای 26/3/2008 خوێندنه‌وه‌ی‌ یه‌كه‌می پێشكه‌شكراوه‌.
2. پڕۆژه‌ی یاسای وه‌زاره‌تی پیشه‌سازی و كانزاكان له‌ به‌رواری 31/3/2008 خوێندنه‌وه‌ی‌ یه‌كه‌می پێشكه‌شكراوه‌.
3. پڕۆژه‌ی یاسای هه‌مواركردنی دووه‌می یاسای خانه‌نشینكردنی یه‌كگرتوو ژماره‌ (27)ی ساڵی 2007 له‌ به‌رواری 12/4/2008 خوێندنه‌وه‌ی‌ یه‌كه‌می پێشكه‌شكراوه‌.

به‌ڕێز به‌ها ئه‌عره‌جی سه‌رۆكی لیژنه‌ی یاسایی له‌ ڕۆژی دووشه‌ممه‌ به‌رواری 5/5/2008 له‌ باره‌گای لیژنه‌ پێشوازیكرد شاره‌زایانی نێوده‌وڵه‌تی و نوێنه‌رانی نه‌ته‌وه‌ یه‌كگرتووه‌كان بۆ تاووتوێكردنی یاسای هه‌ڵبژاردنی ئه‌نجومه‌نی‌ پارێزگاكان و خستنه‌ڕووی بیروبۆچوونه‌كان ده‌رباره‌ی‌ یاساكه‌و بڕیاریشدرا به‌وه‌ی كۆبوونه‌وه‌كان بۆ تاووتوێكردنی ئه‌م یاسایه‌ به‌رده‌وام بێت، هه‌ر له‌ كۆبوونه‌وه‌كه‌دا ئه‌و له‌مپه‌ره‌ كارگێریانه‌ تاووتوێكران كه‌ دێنه‌رێی كۆمسیۆنی باڵای سه‌ربه‌خۆی هه‌ڵبژاردنه‌كان.