لیژنه‌ی دارایی له‌ ڕۆژی 6/7/2008 میوانداری به‌ڕێزان به‌ڕێوه‌به‌ری گشتی بودجه‌ی گشتی و به‌ڕێوه‌به‌ری گشتی ژمێریاری كرد له‌ وه‌زاره‌تی دارایی به‌مه‌به‌ستی تاووتوێكردنی بڕگه‌ گرنگه‌كانی ڕاپۆرتی ژمێریاری كۆتایی دیوانی چاودێری دارایی بۆ ساڵانی 2004 و 2005.

له‌ ۆرك شۆپێكدا كه‌ له‌ به‌رواری 30/6/2008 لیژنه‌ی داریی به‌ هاوكاری ڕێكخراوی ئاده‌م سمیس سازیكردبوو ئه‌ندامانی لیژنه‌، تاووتوێی بیرۆكه‌ی سندوقی نه‌وتیان كرد، ئه‌مه‌ش له‌به‌ر گرنگی ئه‌م بیرۆكه‌یه‌ كه‌ ده‌بێته‌هۆی پاشه‌كه‌وتكردنی داراییه‌كی زۆر بۆ نه‌وه‌كانی داهاتوو و به‌ده‌ستهێنانی ده‌ستكه‌وتی كۆمه‌لایه‌تی به‌ تێپه‌ڕبوونی كات ئه‌مه‌ش به‌مه‌به‌ستی كه‌مكردنه‌وه‌ی خه‌رجیه‌كانی حكومه‌ت تا له‌ بواری پڕۆژه‌ی به‌كه‌ڵك به‌كاربهێنرێت، ئه‌مه‌ سه‌ره‌ڕای پاشه‌كه‌وتكردن بۆ كاتی نائاسایی.