ليژنه‌ى په‌روه‌رده‌ ڕۆژى شه‌ممه‌ 22/6/2013 به‌سه‌رۆكايه‌تى په‌رله‌مانتار عادل فه‌هه‌د شه‌رشاب سه‌رۆكى ليژنه‌ وئاماده‌بوونى ئه‌ندامانى ليژنه‌، كۆبوونه‌وه‌يه‌كى به‌ست، تێيدا تاوتوێى وه‌ڵامى وه‌زاره‌تى په‌روه‌رده‌ له‌سه‌ر ڕاپۆرتى چاودێرى دارايى هه‌ردوو به‌شى دووه‌م وسێيه‌مى ڕاپۆرته‌كه‌، وئاماده‌بووان ڕێكه‌وتن له‌سه‌ر ئاراسته‌كردنى نووسراوێك بۆ ميوانداريكردنى به‌ڕێوه‌به‌رى گشتى په‌روه‌رده‌ى وه‌رزشى وچالاكى قوتابخانه‌يى

ڕۆژى چوارشه‌ممه‌ 19/6/2013 ليژنه‌ى په‌روه‌رده‌ به‌سه‌رۆكايه‌تى په‌رله‌مانتار عادل فه‌هه‌د شه‌رشاب سه‌رۆكى ليژنه‌ كۆبوونه‌وه‌يه‌كى به‌ست، تێيدا تاوتوێى ڕێنماييه‌كانى كۆبوونه‌وه‌ى ده‌سته‌ى سه‌رۆكايه‌تى سه‌باره‌ت به‌ ياسا به‌رده‌سته‌كان له‌ناو ليژنه‌كان كرد، وچۆنيه‌تى جێبه‌جێكردنيان به‌زوترين كات.

په‌رله‌مانتار عادل شه‌رشاب سه‌رۆكي ليژنه‌ي په‌روه‌رده‌ له‌ ئه‌نجومه‌ني نوێنه‌راني عيراق، ڕۆژي دووشه‌ممه‌ 10-6-2013 سه‌رداني چه‌ند قوتابخانه‌يه‌كي قه‌زاي سه‌لام وقه‌زاي‌ مه‌يمونه‌ي سه‌ر به‌پارێزگاي ميسان كرد، وله‌ڕۆژي چوارشه‌ممه‌ 12/6/2013 وپێنج شه‌ممه‌ 13/6/2013، شه‌رشاب سه‌رداني چه‌ند بنكه‌يه‌كي تاقيكردنه‌وه‌ي كه‌ربه‌لاو ئه‌نبار كرد، وله‌نزيكه‌وه‌ ئاگاداري چۆنيه‌تي به‌ڕێوه‌چووني تاقيكردنه‌وه‌كاني به‌كالۆريه‌ بوو.

په‌رله‌مانتار عادل شه‌رشاب سه‌رۆكي ليژنه‌ي په‌روه‌رده‌ له‌ ئه‌نجومه‌ني نوێنه‌راني عيراق، ڕۆژي شه‌ممه‌ 1-6-2013 چه‌ند قوتابخانه‌يه‌كي به‌سه‌ركرده‌وه‌، وله‌نزيكه‌وه‌ ئاگاداري چۆنيه‌تي به‌ڕێوه‌چووني تاقيكردنه‌وه‌كاني به‌كالۆريه‌ بوو.

ليژنه‌ي په‌روه‌رده‌ له‌ئه‌نجومه‌ني نوێنه‌راني عيراق به‌شداري له‌ كۆنگره‌يه‌ك سه‌باره‌ت به‌ ديارده‌ي هه‌ڵاتن له‌ قوتابخانه‌كان كه‌ڕۆژي چوارشه‌ممه‌ 8/5/2013 له‌ هۆڵي هۆتێلي عشتار به‌چاودێري ڕێكخراوي يونيسێف وبه‌هاوكاري له‌گه‌ڵ وه‌زاره‌تي په‌روه‌رده‌ به‌سترابوو كرد.

ليژنه‌ي په‌روه‌رده‌ ڕۆژي پێنج شه‌ممه‌ 25/4/2013 به‌ئاماده‌بووني ئه‌نداماني ليژنه‌، كۆبوونه‌وه‌يه‌كي به‌سه‌رۆكايه‌تي په‌رله‌مانتار عادل شه‌رشاب سه‌رۆكي ليژنه‌ به‌ست.

ليژنه‌ي په‌روه‌رده‌ ڕۆژي يه‌كشه‌ممه‌ 7/4/2013 كۆبوونه‌وه‌يه‌كي به‌سه‌رۆكايه‌تي په‌رله‌مانتار عادل شه‌رشاب سه‌رۆكي ليژنه‌ وئاماده‌بووني چه‌ند ئه‌ندامێكي به‌ست.

ڕۆژي‌ سێشه‌ممه‌ 2/4/2013 ليژنه‌ي‌ په‌روه‌رده‌، له‌ كۆبونه‌وه‌ي‌ خۆيدا به‌ سه‌رۆكايه‌تي‌ عادل فه‌هه‌د ئه‌لشرشاب، تاوتوێي‌ ژماره‌يه‌ك بابه‌تي‌ په‌يوه‌ست به‌ بواره‌كاني‌ په‌روه‌رده‌ و ميكانيزمي په‌يوه‌نديكردن له‌ گه‌ڵ وه‌زاره‌تي‌ په‌روه‌رده‌ و به‌ڕێوه‌به‌رايه‌تيه‌كاني‌ له‌ به‌غدا و پارێزگاكان، و سه‌رۆك ليژنه‌كاني‌ په‌روه‌رده‌ وخوێندن له‌ ئه‌نجومه‌ني‌ پارێزگاكان كرا. 

ڕۆژي‌ چوارشه‌ممه‌ 20/3/2013 په‌رله‌مانتار عه‌دنان فه‌هه‌د ئه‌لشه‌رشاب سه‌رۆركي‌ ليژنه‌ي په‌روه‌رده‌، سه‌رداني‌ به‌رێوه‌به‌رايه‌تي‌ گشتي‌ په‌روه‌رده‌ي‌ به‌سراي كرد، و چاوي‌ به‌ به‌رێوه‌به‌ري‌ گشتي‌ په‌روه‌رده‌ و به‌ڕێوه‌به‌راني‌ گشتي‌ به‌شه‌كان له‌ قه‌زا و ناحيه‌كاني‌ پارێزگاكه‌ كه‌وت.

سه‌رۆكي ئه‌نجومه‌ني نوێنه‌ران به‌ڕێز ئوسامه‌ نوجێفي سه‌رله‌به‌ياني ڕۆژي پێنج شه‌ممه‌ 4/4/2013 له‌ باره‌گاي گه‌ڵ سه‌رۆك وئه‌نداماني ليژنه‌ي په‌روه‌رده‌ كۆبووه‌.