رۆژي‌ سێ‌ شه‌ممه‌ 5/3/2013 په‌رله‌مانتار ليقا‌ ئالياسين سه‌رۆكي‌ ليژنه‌ي‌ ته‌ندروستي‌ و ژينگه‌ له‌ باره‌گاي‌ ليژنه‌، پێشوازي‌ له‌ ئه‌زهار ئه‌لتائي‌ ئه‌ندامي‌ ليژنه‌ي‌ ته‌ندروستي‌ و ژينگه‌ له‌ پارێزگاي‌ موسل كرد, له‌و چاوپێكه‌وتنه‌دا ژماره‌يه‌ك بابه‌ت تاوتوێكران كه‌ په‌يوه‌ستن به‌ بابه‌ته‌كاني‌ ته‌ندروستي‌ و ژينگه‌ له‌ پارێزگاي‌ ناوبراو, كه‌ گرنگتريان چاودێريكردني‌ نه‌خۆشه‌كاني‌ ته‌لاسيميا و ده‌ستنيشانكردني‌ پێشوه‌خت بۆ ئه‌و نه‌خۆشيه‌ تا   سنورداربكرێت، و خاتوو ئه‌زهار ئه‌لتائي‌ داواي له‌ وه‌زاره‌تي‌ ژينگه‌ كرد كه‌ ده‌روازه‌يه‌كي‌ تيشكي‌ بۆ ده‌ربازگه‌ي‌ سنوري‌ ره‌بيعه‌ ته‌رخان بكرێت بۆ دۆزينه‌وه‌ي‌ شمه‌كه‌ پيسبووه‌كان و قه‌ده‌غه‌كردني‌ هاتنه‌ناوه‌وه‌ي بۆ وڵات به‌مه‌به‌ستي پاراستني‌ ته‌ندروستي‌ گشتي و ژينگه‌ي وڵات.

رۆژي‌ چوارشه‌ممه‌ 20/2/2013 ليژنه‌ي‌ ته‌ندروستي‌ و ژينگه‌ به‌ سه‌رۆكايه‌تي‌ په‌رله‌مانتار ليقا ئالياسين سه‌رۆكي‌ ليژنه‌، كوبونه‌وه‌ي‌ خۆي به‌ست، تێيدا تاوتوێي‌ هه‌نگاو و قۆناغه‌كاني‌ گرنگ بۆ ئه‌نجامداني‌ لێكۆڵينه‌وه‌ي‌ په‌رله‌ماني‌ سه‌باره‌ت به‌ بابه‌تي‌ ئاو له‌ عيراق و په‌يوه‌ندي به‌ نه‌خۆشيه‌كاني‌ گواستراو و درمه‌كان به‌ هاوكاري‌ له‌ گه‌ڵ رێكخراوي‌ هاوبه‌شي‌ نێوده‌وڵه‌تي‌ و ڕاسپاردني‌ ئه‌ركي‌ ئاماده‌كردني‌ بنكه‌ي‌ زانياريه‌كان له‌ هه‌موو عيراق به‌ ئه‌نداماني‌ ليژنه‌ي‌ ته‌ندروستي‌ و ژينگه‌ .

رۆژي‌ يه‌كشه‌ممه‌ 10/2/2013 ليژنه‌ي‌ ته‌ندروستي‌ و ژينگه‌ به‌ سه‌رۆكايه‌تي‌ په‌رله‌مانتار ليقا ئالياسين سه‌رۆكي‌ ليژنه‌ له‌ گه‌ل سه‌رۆك و ئه‌نداماني‌ ليژنه‌ي‌ خوێندني‌ باڵا، تاوتوێي‌ ئاماري‌ وه‌زاره‌تي‌ ته‌ندروستي‌ بۆ په‌تاي‌  ئه‌نفله‌وه‌نزا (H1 N1 ) ) و چونێتي‌ ڕوشنبيركردن و هوشياركردن له‌ زانكۆ و په‌يمانگاكان سه‌باره‌ت چاره‌سه‌ري‌ و خۆپاراستن له‌و نه‌خۆشيه‌، سه‌ره‌ڕاي‌ تاوتوێكردني‌ ئه‌نجامي‌ كۆبونه‌وه‌ي‌ ليژنه‌كاني‌ ڵێكۆڵينه‌وه‌ي‌ پێكهێنراو تايبه‌ت به‌ ليژنه‌ي‌ لێكۆڵينه‌وه‌ له‌ گه‌ڵ پشكنه‌ري گشتي‌ وه‌زاره‌تي‌ ته‌ندروستي‌.

رۆژي‌ چوارشه‌ممه‌ 6/2/2013 په‌رله‌مانتار ليقا ئالياسين سه‌رۆكي‌ ليژنه‌ي‌ ته‌ندروستي‌ و ژينگه‌ به‌ هه‌لكه‌وتي‌ ڕۆژي‌ جيهاني‌ بۆ به‌ره‌نگاربونه‌وه‌ي‌ خته‌نه‌كردن ئافره‌تان، پێشوازي‌ له‌ شاندێكي‌ رێكخراوه‌كاني‌ كۆمه‌ڵگه‌ي‌ مه‌ده‌ني‌ ئافره‌تان كرد. سه‌رۆكي‌ ليژنه‌ توێژينه‌وه‌يه‌كي وه‌رگرت كه‌ له‌ لايه‌ن رێكخراوه‌كه‌وه‌ ئاماده‌كرابوو سه‌باره‌ت  به‌ خه‌ته‌نه‌كردني‌ ئافره‌تان وده‌ره‌نجامه‌كاني زه‌ره‌ر و زياني‌ ته‌ندروستي‌ و كۆمه‌ڵايه‌تي‌ ئه‌و ديارده‌يه‌.

روژي‌ سێشه‌ممه‌ 5/2/2013 په‌رله‌مانتار ليقا‌ ئالياسين سه‌رۆكي‌ ليژنه‌ي‌ ته‌ندروستي‌ و ژينگه‌، ميوانداري‌ شاندێكي‌ رێكخراوي‌ پزيشكاني‌ بێسنور كرد، كه‌ پێكهاتبوو له‌ هه‌ريه‌ك سه‌رۆكي‌ نێرده‌ خاتوو هێلين ئۆنيل و شاندي‌ ياوه‌ري‌، شايه‌ني باسه‌ كه‌ ئه‌م ڕێكخراوه‌ ده‌زگايه‌كي نێوده‌وڵه‌تيه‌ و هاوكاري‌ پيشكه‌ش به‌ هاوڵاتيان ده‌كات، هه‌روه‌ها به‌رنامه‌ي‌ چاودێري‌ ته‌ندروستيشي هه‌يه‌ له‌ زۆربه‌ي‌ پارێزگاكان به‌ هاوكاري‌ وه‌زاره‌تي‌ ته‌ندروستي‌.

رۆژي‌ چوارشه‌ممه‌ 6/2/2013 ليژنه‌ي ته‌ندروستي‌ و ژينگه‌ به‌ ئاماده‌بووني‌ مه‌جيد حه‌مه‌ ئه‌مين وه‌زيري ته‌ندروستي‌ و دكتور سه‌تار جه‌بار ئه‌لساعدي‌ بريكاري‌ هونه‌ري‌ وه‌زاره‌ت، و دكتور حه‌سه‌ن هادي‌ باقر به‌رێوه‌به‌ري‌ فه‌رمانگه‌ي‌ ته‌ندروستي‌ گشتي‌ له‌ وه‌زاره‌ت، سيميناري‌ دووه‌مي‌ خۆي‌ له‌سه‌ر په‌تاي‌ ئه‌نفله‌وه‌نزاي (H1 N1 ) و چونێتي‌ (خۆپاراستن – ده‌ستنيشانكردن – چاره‌سه‌ري‌ ) سازكرد.

رۆژي‌ يه‌كشه‌ممه‌ 27/1/2013 په‌رله‌مانتار ليقا ئالياسين سه‌رۆكي‌ ليژنه‌ي‌ ته‌ندروستي‌ و ژينگه‌ به‌شداري‌ له‌ كۆنگره‌ي‌ به‌رده‌ستكردني‌ ئاماره‌كاني‌ وه‌زاره‌تي‌ ته‌ندروستي‌ بۆ ساڵي‌ 2008 تا ساڵي‌ 2010 كرد، كه‌ له‌ لايه‌ن فه‌رمانگه‌ي‌ پلاندانان و داهاته‌كان له‌ وه‌زاره‌ت به‌ هاوكاري‌ له‌ گه‌ڵ نوسينگه‌ي‌ رێكخراوي‌ ته‌ندروستي‌ جيهاني‌ 

به‌ مه‌به‌ستي‌ له‌ نيزيكه‌وه‌ ئاگاداربوون له‌ سه‌ر ئه‌و خزمه‌تگوزاريانه‌ كه‌ له‌ لايه‌ن نه‌خۆشخانه‌وه‌ پێشكه‌ش ده‌كرێن له‌ به‌شه‌كاني‌ نورينگه‌ي‌ ڕاوێژكاري‌ و فرياكه‌وتن و قايشه‌كان، رۆژي‌ پێنج شه‌ممه‌ 31/1/2013 په‌رله‌مانتار ليقا ئالياسين سه‌رۆكي‌ ليژنه‌ي‌ ته‌ندروستي‌ و ژينگه‌ سه‌ردانه‌ي‌ نه‌خۆشخانه‌ي (واستي‌) بۆ نه‌شته‌گه‌ري‌ جوانكاري‌ وڕاستكرنه‌وه‌ له‌ به‌غدا كرد.

رۆژي‌ پێنج شه‌ممه‌ 31/1/2013 په‌رله‌مانتار ليقا ئالياسين سه‌رداني‌ نه‌خۆشخانه‌ي‌ ئيمام عه‌لي‌(ع) له‌ شارۆچكه‌ي‌ سه‌در له‌ به‌غدا كرد، وله‌ لايه‌ن به‌رێوه‌به‌ري‌ گشتي‌ نه‌خۆشخانه‌ و پزيشكه‌كان و دكتۆر عه‌لي‌ بستان به‌رێوه‌به‌ري‌ گشتي‌ ته‌ندروستي‌ ره‌سافه‌ پێشوازي‌ لێكرا.