لیژنه‌ی كارو خزمه‌تگوزاری له‌ به‌رواری 25/5/2008 له‌ باره‌كای لیژنه‌ له‌ ئه‌نجومه‌نی نوێنه‌ران كۆبۆوه‌ بۆ تاووتوێكردنی چه‌ند بابه‌تێك، ئه‌وه‌بوو له‌ بڕگه‌ی یه‌كه‌مدا تاووتوێی چۆنیه‌تی دابه‌شكردنی شه‌پۆل و به‌رپرسیاریه‌تی كرا له‌ نێوان به‌رپرسان له‌ وه‌زاره‌تی گه‌یاندن و ده‌سته‌ی ڕاگه‌یاندن و گه‌یاندن، گفتوگۆش كرا ده‌رباره‌ی پێشنیاری یه‌كێك له‌ ئه‌ندامان به‌وه‌ی كه‌ شه‌پۆله‌ حكومیه‌كان له‌ ئه‌ستۆی وه‌زاره‌تی گه‌یاندن بێت و شه‌پۆله‌ بازرگانیه‌كانیش له‌ ئه‌ستۆی ده‌سته‌ی ڕاگه‌یاندن و گه‌یاندن بێت، له‌لایه‌ن خۆیه‌وه‌ سه‌رۆكی دانیشتنه‌كه‌ پێداگری كرد له‌سه‌ر پێویستی په‌له‌كردن له‌ په‌سه‌ندكردنی یاسای ڕاگه‌یاندن و گه‌یاندن و ئه‌ندامانی بڕیاریاندا دانیشتنێكی تایبه‌ت له‌مباره‌یه‌وه‌ له‌ داهاتوودا ئه‌نجام بدرێت.

په‌رله‌مانتار سالم شممه‌ری ئه‌ندامی لیژنه‌ی كارو خزمه‌تگوزاری پێشنیارێكی خسته‌ڕوو به‌مه‌به‌ستی دیاریكردن و پێدانی ده‌رماڵه‌ی پیشه‌یی بۆ توێژی ئه‌و ئه‌ندازیارانه‌ی كه‌ له‌ فه‌رمانگه‌كانی ده‌وڵه‌ت و كه‌رتی گشتی كارده‌كه‌ن به‌پێی بارودۆخ و جۆری ئه‌و كاره‌ی كه‌ ئه‌نجامی ده‌ده‌ن

لیژنه‌ی كارو خزمه‌تگوزاری كۆبۆوه‌ بۆ تاووتوێكردنی یاسای تۆڕی پاراستنی كۆمه‌ڵایه‌تی به‌مه‌به‌ستی داڕشتنی یاساكه‌ به‌ باشترین شێوه‌ بۆ ئه‌وه‌ی خزمه‌تی زۆرترین توێژی كۆمه‌ڵگه‌ بكات كه‌ ئه‌م یاسایه‌ ده‌یانگرێته‌وه‌ تاوه‌كو دادوه‌ری بێته‌دی، ئه‌ندامانی لیژنه‌ش بۆچوونه‌كانی خۆیان له‌مباره‌یه‌وه‌ خسته‌ڕوو

لیژنه‌ی كارو خزمه‌تگوزاری كۆمه‌ڵایه‌تی له‌گه‌ڵ  لیژنه‌ی ئافره‌ت و خێزان و منداڵ له‌ ئه‌نجومه‌نی‌ نوێنه‌ران كۆبۆوه‌ به‌مه‌به‌ستی تاووتوێكردنی توانای تێكه‌ڵكردنی سه‌رجه‌م یاساكانی تایبه‌ت به‌ بیمه‌ی كۆمه‌لایه‌تی له‌ یاسای تۆڕی پاراستنی كۆمه‌لایه‌تی و به‌ڕێز سه‌میره‌ موسه‌ویش سه‌رۆكی لیژنه‌ی ئافره‌ت و خێزان چه‌ند تێبینیه‌كی له‌باره‌ی‌ پێشنیاره‌كه‌وه‌ خسته‌ڕوو.

لیژنه‌ی‌ كارو خزمه‌تگوزاری له‌ به‌روار 8/4/2008 كۆبۆوه‌ به‌مه‌به‌ستی‌ تاووتوێكردنی ئه‌و كێشه‌و له‌مپه‌رانه‌ی‌ كه‌ ڕووبه‌ڕووی كاری‌ وه‌زاره‌تی كاروكاروباری كۆمه‌ڵایه‌تی‌ ده‌بێته‌وه‌ له‌گه‌ڵ خستنه‌ڕووی سه‌ردانی لیژنه‌ بۆ یه‌كێك له‌ خانه‌كانی سه‌رپه‌رشتی‌ كه‌مئه‌ندامان و تازه‌پێگه‌یشتووان و خانه‌ی‌ حه‌نان

لیژنه‌ی‌ كارو خزمه‌تگوزاری له‌ به‌روار 8/4/2008 كۆبۆوه‌ به‌مه‌به‌ستی‌ تاووتوێكردنی ئه‌و كێشه‌و له‌مپه‌رانه‌ی‌ كه‌ ڕووبه‌ڕووی كاری‌ وه‌زاره‌تی كاروكاروباری كۆمه‌ڵایه‌تی‌ ده‌بێته‌وه‌ له‌گه‌ڵ خستنه‌ڕووی سه‌ردانی لیژنه‌ بۆ یه‌كێك له‌ خانه‌كانی سه‌رپه‌رشتی‌ كه‌مئه‌ندامان و تازه‌پێگه‌یشتووان و خانه‌ی‌ حه‌نان