ليژنه‌ي هه‌رێم وپارێزگاكان به‌سه‌رۆكايه‌تي په‌رله‌مانتار محمد كياني سه‌رۆكي ليژنه‌و ئاماده‌بووني ئه‌نداماني ليژنه‌ وسه‌رۆكي ليژنه‌ي ده‌ستپاكي په‌رله‌مانتار به‌ها‌و ئه‌عره‌جي وپه‌رله‌مانتار سۆزان سه‌عه‌د وپه‌رله‌مانتار عه‌واد عه‌وادي وبه‌ڕێزان ڕاوێژكاراني ئه‌نجومه‌ني نوێنه‌ران ڕۆژي يه‌كشه‌ممه‌ 19/2/2012  كۆتايي به‌ تاوتوێكردني ياساي ژماره‌ (21)ي ساڵي 2008 سه‌باره‌ت به‌و پارێزگانه‌ي هه‌رێمێك پێكناهێنن هێنا بۆ ئه‌وه‌ي لێكۆڵينه‌وه‌ي له‌سه‌ر بكرێت وبخرێته‌ ناو ليستي كاره‌كاني ئه‌نجومه‌ني نوێنه‌ران. 

ليژنه‌ي هه‌رێم وپارێزگاكان به‌سه‌رۆكايه‌تي په‌رله‌مانتار محمد كياني وبه‌ئاماده‌بووني ژماره‌يه‌ك له‌ئه‌ندامان و ڕاوێژكاراني كۆمسيۆني باڵاي سه‌ربه‌خۆي هه‌ڵبژاردنه‌كان وڕاوێژكاراني ياسايي له‌ئه‌نجومه‌ني نوێنه‌ران ڕۆژي يه‌كشه‌ممه‌ 22/1/2012 تاوتوێي شێوه‌ي كۆتايي ڕه‌شنووسي هه‌مواركردني ياساي هه‌ڵبژاردنه‌كاني قه‌زاو ناحيه‌كاني ژماره‌ 26ي ساڵي 2008 وهه‌ردوولا تيشكيان خسته‌ سه‌ر لايه‌نه‌كاني هونه‌ري وياسايي ودارايي ياساي ناوبراو وبه‌رچاوگرتني پێشنياري هه‌موو لايه‌نه‌كاني په‌يوه‌نديدار بۆ ئه‌وه‌ي له‌ دانيشتنه‌كاني دابێتدا بخرێته‌به‌ر ده‌نگدان.

 ليژنه‌ي هه‌رێم وپارێزگاكان به‌سه‌رۆكايه‌تي په‌رله‌مانتار محمد كياني سه‌رۆكي ليژنه‌ تاوتوێي ياساي ئه‌و پارێزگانه‌ي هه‌رێمێك پێكناهێنن ژماره‌ 21 ساڵي 2008 كرد وئه‌و پێشنيارانه‌ي كه‌ له‌لايه‌ن ئه‌نداماني ليژنه‌وه‌ پێشكه‌شكراون، هه‌روه‌ها تاوتوێي ئه‌و پێشنيارانه‌ي كرد كه‌ له‌لايه‌ن ده‌سته‌ي نيشتيماني بۆ ئه‌نداماني ئه‌نجومه‌ني ناوچه‌ييه‌كان له‌عيراق سه‌باره‌ت به‌ ياساي ئه‌و پارێزگايانه‌ي هه‌رێمێك پێككناهێنن ژماره‌ 21 ساڵي 2008، هه‌روه‌ها باسي پێشنياري به‌ڕێز تاريق عادلي كرد ڕاوێژكاري ڕاگه‌ياندني ڕێكخراوه‌كاي كۆمه‌ڵگه‌ي مه‌ده‌ني بۆ به‌ستني سمينارێك سه‌باره‌ت به‌ ياساي ئه‌و پارێزگانه‌ي هه‌رێمێك پێكناهێنن ژماره‌ 21 ساڵي 2008.

ليژنه‌ي هه‌رێم وپارێزگاكان به‌سه‌رۆكايه‌تي په‌رله‌مانتار محمد كياني سه‌رۆكي ليژنه‌ ڕۆژي يه‌كشه‌ممه‌ 18/12/2011  تاوتوێي ده‌رماڵه‌ي دارايي پارێزگاكان له‌ بودجه‌ي 2012 كرد، وتيشكي خسته‌ بڕه‌ پاره‌ي ته‌رخانكراو بۆ پارێزگاكان وبه‌پێي ڕێژه‌ي دانيشتواني پارێزگاكان به‌جۆرێك كه‌دادپه‌روه‌ري له‌دابه‌شكردندا بچه‌سپێت، هه‌روه‌ها ليژنه‌ كۆتايي به‌ گفتوگۆكاني كۆتايي سه‌باره‌ت به‌ ياساي ئه‌و پارێزگانه‌ي هه‌رێمێك پێكناهێنن ژماره‌ 21 ساڵي 2008 هێنا.

 ڕۆژي چوارشه‌ممه‌ 14/12/2011، په‌رله‌مانتار محمد كياني سه‌رۆكي ليژنه‌ي هه‌رێم وئه‌و پارێزگانه‌ي هه‌رێمێك پێكناهێنن سه‌رۆكايه‌تي كۆبوونه‌وه‌يه‌كي ئه‌نداماني ليژنه‌ كرد بۆ ته‌واوكردني تاوتوێكردني ياساي ژماره‌ (21)ي ساڵي 2008 ئه‌و پارێزگانه‌ي هه‌رێمێك پێكناهێنن.

ليژنه‌ي هه‌رێم وپارێزگاكان به‌سه‌رۆكايه‌تي په‌رله‌مانتار محمد كياني سه‌رۆكي ليژنه‌ ڕۆژي پێنج شه‌ممه‌ 15/12/2011  تاوتوێي ياساي هه‌ڵبژاردنه‌كاني قه‌زاو ناحيه‌كان له‌گه‌ڵ ئه‌نداماني ئه‌نجومه‌نه‌ ناوچه‌ييه‌كاني به‌غدا وپارێزگاكاندا كرد

ليژنه‌ي هه‌رێم وپارێزگاكان به‌سه‌رۆكايه‌تي په‌رله‌مانتار محمد كياني ڕۆژي چوارشه‌ممه‌ 23/11/2011 تاوتوێي هه‌مواركردني ياساي پارێزگاكان ژماره‌ 21 ساڵي 2008 كرد به‌جۆرێك كه‌ له‌گه‌ڵ گۆڕانكاري وپێشكه‌وتنه‌كاني ئێستادا بگونجێت وبه‌مه‌به‌ستي فراوانكردني ده‌سه‌ڵاته‌كاني پارێزگاكان.

ليژنه‌ي هه‌رێم وپارێزگاكان به‌سه‌رۆكايه‌تي په‌رله‌مانتار محمد كياني سه‌رۆكي ليژنه‌ ڕۆژي سێشه‌ممه‌ 22/11/2011 له‌گه‌ڵ ڕاوێژكاراني وه‌زاره‌تي ده‌وڵه‌ت بۆ كاروباري پارێزگاكاندا كۆبووه‌و تاوتوێي لايه‌نه‌كاني به‌ڕێوه‌به‌ردن وياسايي بۆ پێكهێناني هه‌رێمه‌كان له‌گه‌ڵدا كردن وهه‌ردوولا ئاڵۆگۆڕي بيروڕاكانيان كرد وئه‌و پێشنيارانه‌ي كه‌ له‌لايه‌ن ليژنه‌وه‌ پێشكه‌شكراوه‌ ومادده‌ ده‌ستورييه‌كاني تايبه‌ت به‌ پێكهێناني هه‌رێمه‌كان.

په‌رله‌مانتار زياد زه‌رب بڕيارده‌ري ليژنه‌ي هه‌رێم وئه‌و پارێزگانه‌ي هه‌رێمێك پێكناهێنن ڕۆژي دووشه‌ممه‌ 17/10/2011 ميوانداري ژماره‌يه‌ك له‌ نوێنه‌راني ئه‌نجومه‌ني ناوچه‌كاني كه‌رته‌كاني به‌غدا كرد، وله‌دانيشتنێكدا تاوتوێي مافه‌ داراييه‌كاني ئه‌م ئه‌نجومه‌نانه‌ كرا وچوارچێوه‌ي ياسايي بۆ به‌رده‌وامبووني كاره‌كاني وچه‌ند بڕگه‌يه‌كي ياساي هه‌ڵبژاردنه‌كاني ئه‌نجومه‌ني پارێزگاكان وقه‌زاو ناحيه‌كاني ژماره‌ 36ي ساڵي 2008 هه‌مواركراو وسنوري شاره‌واني وئيداري به‌غداد وياساي پايته‌خت، وله‌لايه‌ن خۆيه‌وه‌ نوێنه‌راني ئه‌نجومه‌نه‌كان خواستي خۆيان ده‌بڕي بۆ ئاماده‌بوون له‌ دانيشتنه‌كاني ليژنه‌ تايبه‌ت به‌ ئه‌نجومه‌ني پارێزگاكاني ناوچه‌يي.