ليژنه‌ي هه‌رێم وئه‌و پارێزگانه‌ي هه‌رێمێك پێكناهێنن دووپاتيكرده‌وه‌ كه‌ كارده‌كات له‌سه‌ر هه‌مواركردني ياساي ئه‌و پارێزگانه‌ي هه‌رێمێك پێكناهێنن ژماره‌ 21ي ساڵي 2008 وده‌ركردني ياساي موختاره‌كان.

ليژنه‌ي هه‌رێم وپارێزگاكان له‌ڕۆژي 23/2/2011 كۆبوونه‌وه‌يه‌كي به‌ست تێيدا تاوتوێي بارودۆخي ئێستاي پارێزگاكان له‌ڕووي خزمه‌تگوزاري وئاسايش وبيناسازييه‌وه‌ كرد و تيشكي خسته‌ ئه‌و كێشانه‌ي كه‌ دووچاري پارێزگاكان ده‌بنه‌وه‌ سه‌باره‌ت به‌ پڕۆژه‌ ياساكان به‌تايبه‌تي ياساي موختاره‌كان وياساي پايته‌خت وكاري يه‌كه‌ي هه‌رێمه‌كان له‌نووسينگه‌كاني ئه‌نجومه‌ني نوێنه‌ران له‌پارێزگاكان وڕاپۆرتي به‌رزكردنه‌وه‌ي پڕۆژه‌ي ياساكان بۆ ده‌سته‌ي سه‌رۆكايه‌تي ئه‌نجومه‌ني نوێنه‌ران بۆ ئه‌وه‌ي بخرێته‌ناو ليستي كاره‌كان، سه‌ره‌ڕاي دابه‌شكردني پارێزگاكان به‌سه‌ر په‌رله‌مانتارانه‌وه‌ بۆ ڕاپه‌ڕاندني كاره‌كان

سه‌رۆكي ليژنه‌ي هه‌رێم وپارێزگاكان په‌رله‌مانتار محمد كياني ڕۆژي سێشه‌ممه‌ 22/2/2011 پێشوازيكرد له‌ وه‌فدي به‌رنامه‌ي پاڵپشتي په‌رله‌ماني عيراقي كرد كه‌ پێكهاتبوو له‌ به‌ڕێزان كه‌ريم سه‌يد شه‌عبان وزياد زه‌رغام، وله‌ دانيشتنێكدا هه‌ردوولا تاوتوێي چۆنيه‌تي پێشخستني كاري نووسينگه‌ي پارێزگاكان كرد وبه‌رزكردني ئاستي كادره‌كاني.

ئه‌وه‌و هه‌ريه‌ك له‌ په‌رله‌مانتاران نه‌بيل حه‌ربو وئيمان حه‌ميد ئاماده‌ي دانيشتنه‌كه‌بوون

ليژنه‌ي هه‌رێم وئه‌و پارێزگانه‌ي هه‌رێمێك پێكناهێنن پێشنياري ئه‌وه‌ي كرد كه‌ داوا له‌ كۆمسيۆني باڵاي سه‌ربه‌خۆي هه‌ڵبژاردنه‌كان بكرێت ڕێوشوێني ياسايي وئيداري پێويست بگرێته‌به‌ر بۆ ئه‌نجامداني هه‌ڵبژاردنه‌كاني قه‌زاو وناحيه‌كان به‌پێي بنه‌ماكاني ياساي هه‌ڵبژاردنه‌كاني ئه‌نجومه‌ني پارێزگاكان وقه‌زاو ناحيه‌كاني ژماره‌ 36ي ساڵي 2008 هه‌مواركراو وڕێنماييه‌كاني له‌مباره‌يه‌وه‌.

ليژنه‌ي هه‌رێم وئه‌و پارێزگانه‌ي هه‌رێمێك پێكناهێنن له‌ڕۆژي يه‌كشه‌ممه‌ 6/2/2010 كۆبوونه‌وه‌يه‌كي به‌سه‌رۆكايه‌تي په‌رله‌مانتار محمد كياني سه‌رۆكي ليژنه‌ وئاماده‌بووني ئه‌نداماني ليژنه‌ له‌باره‌گاي ليژنه‌ ئه‌نجامدا

له‌كۆبوونه‌وه‌كه‌دا تاوتوێي ئاماده‌كارييه‌كان كرا بۆ به‌ستني كۆنگره‌ي ده‌سه‌ڵاته‌كاني هه‌رێم وپارێزگاكان كه‌ له‌به‌رنامه‌دايه‌ حه‌فته‌ي دابێت له‌ به‌غدا ئه‌نجام بدرێت، وبڕياڕدرا كاره‌كان به‌رده‌وام بن بۆ سه‌رخستني كۆنگره‌كه‌      

هه‌روه‌ها بڕياردرا ڕۆژي 20 ئه‌و مانگه‌ ده‌ستنيشان بكرێت بۆ به‌ستني كۆبوونه‌وه‌ي دابێت بۆ تاوتوێكردني بابه‌تي دابه‌شكردني كاروباري پارێزگاكان به‌سه‌ر ئه‌نداماني ليژنه‌دا وسيستمي ناوخۆي ليژنه‌، سه‌ره‌ڕاي تاوتوێكردني ياساي موختاره‌كان وخستنه‌ڕووي كێشه‌كاني پارێزگاكان.

لیژنه‌ی هه‌رێم و پارێزگاكان یه‌كه‌م كۆبوونه‌وه‌ی خۆی له‌ ڕۆژی چوارشه‌ممه‌ به‌رواری 3/2/2011 له‌ باره‌گای لیژنه‌ له‌ ئه‌نجومه‌نی نوێنه‌ران سازكردو تێیدا په‌رله‌مانتار موحه‌ممه‌د كه‌یانی به‌سه‌رۆكی لیژنه‌و په‌رله‌مانتار مه‌نسور ته‌میمی به‌ جێگری سه‌رۆك و په‌رله‌مانتار زیاد ئه‌لزه‌رب به‌ بڕیارده‌ری لیژنه‌ هه‌ڵبژێردرا.

رۆژی‌ 1/11/2009 لیژنه‌ی‌ هه‌رێم وپارێزگه‌كان كۆبوونه‌وه‌یه‌كی‌ ئاسایی‌ سازكردو تاوتۆی‌ پێشنیاره‌ تایبه‌تییه‌كانی‌ راستكردنه‌وه‌ی‌ یاسای‌ ژماره‌ 21ی‌ ساڵی‌2008 ی‌ پارێزگه‌كان ,لیژنه‌كه‌له‌رۆژی‌ 18/11/2009 چاوی‌ به‌رێزان ئه‌ندامانی‌ئه‌نجوومه‌نی‌ شاره‌وانی‌ به‌غدا كه‌وت به‌ مه‌به‌ستی‌ چاره‌سه‌ركردنی‌ مافی‌ خانه‌نشینیان .

    به‌مه‌به‌ستی گفتوگۆكردن سه‌باره‌ت به‌ مادده‌ی (50)ی تایبه‌ت به‌ كورسی پێكهاته‌كان له‌ یاسای هه‌ڵبژاردنی ئه‌نجوومه‌نی پارێزگاكان له‌ به‌رواری 2/11/2008 لیژنه‌ی یاسایی ولیژنه‌ی پارێزگاو هه‌رێمه‌كان كۆبوونه‌وه‌یه‌كیان به‌سه‌رۆكایه‌تی هاشم تائی ئه‌نجامدا