جێگری یه‌كه‌می سه‌رۆكی ئه‌نجومه‌نی نوێنه‌ران دكتۆر قوسه‌ی سوهێل پێشوازیكرد له‌ به‌رێز عه‌لی ئه‌دیب وه‌زیری فێركردنی باڵا وتاوتوێی چۆنیه‌تی گه‌شه‌پێدانی واقیعی فێركردنی له‌ زانكۆكانی عیراقیدا كرد .

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران هه‌وڵه‌كانی لیوای 55ی فیرقه‌ی 17ی به‌رز نرخاندا بۆ ده‌ستگیركردنی تاوانبارانی تیرۆركردنی شه‌هید ته‌ها ئه‌لعه‌له‌وی به‌ڕێوه‌به‌ری كه‌ناڵی ئاسمانی ئه‌لمه‌سار. هه‌روه‌ك دكتۆر قوسه‌ی سوهه‌یل توانای لیواكه‌ی به‌رزنرخاند كه‌ توانیویانه‌ ئه‌و گروپه‌ تیرۆریستیه‌ ده‌ستگیربكه‌ن كه‌ ده‌ستیان هه‌بووه‌ له‌ شێواندنی ئارامی وڵات.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی له‌گه‌ڵ ژماره‌یه‌ك له‌ فه‌رمانبه‌رانی دیوانی ئه‌نجومه‌نی نوێنه‌ران كۆبۆوه‌و داوایكرد كه‌ چاكسازی له‌ ده‌زگاكانی ده‌وڵه‌ت له‌ خودی دیوانی ئه‌نجومه‌نی نوێنه‌رانه‌وه‌ ده‌ست پێبكات، ئه‌وه‌شی خسته‌ڕوو كه‌ سه‌رجه‌م فه‌رمانبه‌رانی ئه‌نجومه‌نی نوێنه‌ران به‌رپرسیاریه‌تی ئه‌خلاقیان له‌سه‌ره‌ بۆ پاراستنی ئه‌نجومه‌ن و به‌پێویستیشی زانی كه‌ هه‌موولایه‌ك سووربن له‌سه‌ر مامه‌ڵه‌كردن له‌گه‌ڵ ئه‌و توانایانه‌ی له‌به‌رده‌ستدان.