دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران پێشوازیكرد له‌ سابر ئه‌لعیساوی ئه‌مینداری به‌غداو له‌ كۆبوونه‌وه‌یه‌كدا گفتوگۆكرا له‌باره‌ی به‌ره‌وپێشبردنی باری خزمه‌تگوزاری به‌غدای پایته‌خت. له‌كۆبوونه‌وه‌كه‌دا جێگری یه‌كه‌می سه‌رۆكی ئه‌نجومه‌نی نوێنه‌ران له‌و كێشانه‌ی كۆڵیه‌وه‌ كه‌ ئه‌مانه‌ی به‌غدا به‌ده‌ستیه‌وه‌ ده‌ناڵێنێت له‌گه‌ڵ ئه‌و پلان و پڕۆژانه‌ی له‌ داهاتوودا جێبه‌جێ ده‌كرێت به‌مه‌به‌ستی باشكردنی بارودۆخی پایته‌خت به‌شێوه‌یه‌ك گونجاو بێت له‌گه‌ڵ ئه‌و پێشینه‌ شارستانی و مێژووییه‌ی ئه‌و شاره‌ هه‌یه‌تی.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران پێشوازیكرد شاندێكی هۆزه‌كانی ته‌له‌عفه‌رو له‌ كۆبوونه‌وه‌یه‌كدا چۆنیه‌تی چاره‌سه‌ركردنی كێشه‌كانی ئه‌و قه‌زایه‌ تاووتوێكرا.له‌ كۆبوونه‌وه‌كه‌دا پیاوماقوڵان و سه‌رۆك هۆزه‌كانی ته‌له‌عفه‌ر كورته‌یه‌كیان خسته‌ڕوو له‌باره‌ی بارودۆخی قه‌زاكه‌یان و ئه‌و كێشانه‌ی به‌ده‌ستیه‌وه‌ ده‌ناڵێنن و ئاماژه‌یان به‌وه‌شكرد كه‌ له‌ماوه‌ی ڕابردوودا قه‌زای ته‌له‌عفه‌ر به‌بارودۆخێكی ئه‌منی خراپدا گوزه‌ری كردووه‌و ئه‌مه‌ش بۆته‌ شه‌هیدبوونی نزیكه‌ی دوو هه‌زار كه‌س و برینداربوونی پێنج هه‌زاری دیكه‌و به‌و هۆیه‌شه‌وه‌ ده‌یان كه‌س بێ باوك و بێوه‌ژن بوون.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران پێشوازیكرد له‌ ئاد میلگراد سه‌رۆكی نێرده‌ی نه‌ته‌وه‌ یه‌كگرتووه‌كان له‌ عێراق و له‌ دیدارێكدا هه‌ردوولا گفتوگۆیان كرد له‌باره‌ی ڕزگاربوونی عێراق له‌ به‌ندی حه‌وته‌م و كاركردن بۆ ئه‌وه‌ی عێراق ڕۆڵێكی زیاتری هه‌بێت له‌ كۆمه‌ڵگه‌ی نێوده‌وڵه‌تیدا.