دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران داوای له‌ ده‌گا ئه‌منیه‌كان كرد پارێزگاری خاوه‌ن توانا عێراقیه‌كان بكه‌ن له‌و كاره‌ تیرۆریستیانه‌ی ڕووبه‌ڕووی ده‌بنه‌وه‌.جێگری یه‌كه‌می سه‌رۆكی ئه‌نجومه‌نی نوێنه‌ران له‌ لێدوانێكی ڕۆژنامه‌وانیدا له‌ په‌راوێزی كۆنگره‌ی یه‌كه‌می زانستی كۆمسیۆنی باڵای سه‌ربه‌خۆی هه‌ڵبژاردنه‌كان كه‌ كاره‌كانی له‌ هه‌ولێر به‌ ئاماده‌بوونی ژماره‌یه‌ك له‌ ئه‌كادیمی و مامۆستایانی زانكۆ به‌ڕێوه‌چوو ئاماژه‌ی به‌وه‌كرد كه‌ هێزه‌ نه‌فام و تاریك په‌رسته‌كان هه‌وڵ ده‌ده‌ن بۆ ئه‌وه‌ی خاوه‌ن توانا زانستیه‌كان عێراق چۆڵ بكه‌ن، ئه‌وه‌بوو له‌ ڕۆژانی ڕابردوو دكتۆر موحه‌ممه‌د خه‌سه‌ن ئه‌لعه‌لوان ڕاگری كۆلێژی پزیشكی له‌ زانكۆی موسته‌نسریه‌ تیرۆركرا كه‌ خزمه‌تی زۆری كردبوو به‌ پێشكه‌شكردنی زانست و لێكۆڵینه‌وه‌و بیره‌ به‌پێزه‌كانی و له‌كاره‌كانیشیدا خاوه‌نی سووربوون و ویستێكی به‌هێزبوو