دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران پێشوازیكرد له‌ شاندێكی دانیشتوانی پارێزگای نه‌ینه‌واو له‌ دیدارێكدا دكتۆر قوسه‌ی سوهه‌یل له‌بارودوخی خزمه‌تگوزاری و بژێوی هاوڵاتیانی كۆڵیه‌وه‌ له‌گه‌ڵ دانانی به‌رنامه‌یه‌كی حكومی كه‌ هاریكار بێت له‌ كه‌مكردنه‌وه‌ی ناهه‌مواری پارێزگاكه‌.له‌لایه‌ن خۆیه‌وه‌ دكتۆر قوسه‌ی وسوهه‌یل جه‌ختی له‌سه‌ر ئه‌وه‌كرده‌وه‌ كه‌ ئه‌نجومه‌نی نوێنه‌ران سووره‌ له‌سه‌ر په‌سه‌ندكردنی ئه‌و یاسایانه‌ی كه‌ یارمه‌تیده‌ر ده‌بن بۆ نه‌هێشتنی ناهه‌مواری ژیانی هاوڵاتیان و نه‌هێشتنی سه‌رجه‌م ئه‌و به‌ربه‌سته‌كان.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران پێشوازیكرد له‌ ئه‌ندازیار عادل مه‌هۆده‌ر وه‌زیری شاره‌وانیه‌كان و له‌ دیدارێكدا هه‌ردوولا گفتوگۆیانكرد له‌باره‌ی چۆنیه‌تی باشكردنی ئاستی خزمه‌تگوزاری له‌ پارێزگاكان و لابردنی ئه‌و به‌ربه‌ستانه‌ی كه‌ هه‌ن.له‌لایه‌ن خۆیه‌وه‌ ئه‌ندازیار عادل مه‌هۆده‌ر ئاماژه‌ی به‌وه‌كرد كه‌ بودجه‌ی ته‌رخانكراو بۆ وه‌زاره‌ته‌كه‌ی كه‌متره‌ له‌و پڕۆژانه‌ی كه‌ پێویسته‌ جێبه‌جێ بكرێن.له‌به‌رامبه‌ره‌وه‌ جێگری یه‌كه‌می سه‌رۆكی ئه‌نجومه‌نی نوێنه‌ران داكۆكیكرد له‌سه‌ر پێویستی چاره‌سه‌ركردنی سه‌رجه‌م كێشه‌كان و لابردنی ئه‌و به‌ربه‌ستانه‌ی كه‌ هه‌ن و ڕێگرن له‌ پێشكه‌شكردنی خزمه‌تگوزاریه‌كان.

به‌ڕێز عارف ته‌یفور جێگری سه‌رۆكی ئه‌نجومه‌نی نوێنه‌ران بروسكه‌یه‌كی پیرۆزبایی ئاڕاسته‌ی گه‌لی كوردو گه‌لانی خه‌باتگێڕ كرد به‌بۆنه‌ی یادی له‌دایكبوونی بارزانی نه‌مر سه‌ركرده‌ی نه‌ته‌وه‌ی كوردو ئه‌مه‌ی خواره‌وه‌ش ده‌قه‌كه‌یه‌تی:هه‌موو ساڵێك به‌و په‌ڕه‌ی شانازیه‌وه‌ له‌ ڕۆژێكی وه‌كو ئه‌مڕۆدا یادی له‌دایكبوونی سه‌ركرده‌ی مێژوویی نه‌ته‌وه‌ی كورد ژه‌نه‌ڕاڵی كۆچكردوو مه‌لا موسته‌فای بارزانی ده‌كه‌ینه‌وه‌ كه‌ شۆڕشی له‌دژی سته‌م به‌رپاكردوو به‌رگری له‌ ئازادی عێراق كردوو داوای برایه‌تی نێوان عه‌ره‌ب و كوردی كردو هه‌ر له‌سه‌رده‌می لاوێتیه‌وه‌ هه‌ڵگری هیوای گه‌له‌كه‌مان بوو، له‌گه‌ڵ پێشمه‌رگه‌شدا له‌دژی شۆڤینیه‌كان و ئه‌و سیسته‌مه‌ دیكتاتۆریانه‌ جه‌نگا كه‌ ڕقیان له‌ مرۆڤایه‌تی بوو.