به‌ڕێز عارف ته‌یفور جێگری سه‌رۆكی ئه‌نجومه‌نی نوێنه‌ران به‌یاننامه‌یه‌كی له‌باره‌ی ته‌قینه‌وه‌كانی كه‌ركوك ده‌ركرد كه‌ ئه‌مه‌ی خواره‌وه‌ ده‌فه‌كه‌یه‌تی:به‌توندی ناڕه‌زایی خۆمان ده‌رده‌بڕین به‌رامبه‌ر ته‌قینه‌وه‌ی سێ ئۆتۆمبێلی بۆمبڕێژكراو له‌چه‌ند ناوچه‌یه‌كی پاریزگای كه‌ركوك كه‌ بووه‌ هۆی برینداربوون و شه‌هیدبوونی ژماره‌یه‌كی زۆری هاوڵاتیان.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران له‌په‌ڕاوێزی كۆنگره‌ی یه‌كێتی په‌رله‌مانی عه‌ره‌بی له‌ شاری ده‌وحه‌ چاویكه‌وت به‌ نوره‌دین بۆشكۆج ئه‌مینداری گشتی یه‌كێتی په‌رله‌مانی عه‌ره‌بی و له‌دیداره‌كه‌دا بۆشكۆج جه‌ختی له‌سه‌ر ئه‌وه‌كرده‌وه‌ كه‌ عێراق له‌ پێشه‌نگی ئه‌و وڵاته‌ عه‌ره‌بیانه‌یه‌ كه‌ پشتیوان و دامه‌زرێنه‌ری سه‌رجه‌م ئه‌و كۆنگرانه‌یه‌ كه‌ ڕۆڵی هه‌یه‌ له‌ به‌ره‌وپێشبردنی كاری دیبلۆماسی و په‌رله‌مانی له‌سه‌رجه‌م بواره‌كانداو ئه‌وه‌شی خسته‌ڕوو كه‌ عێراق هه‌نگاو ده‌نێت به‌ره‌و گه‌ڕانه‌وه‌ بۆ نێو وڵاتانی عه‌ره‌بی له‌به‌رئه‌وه‌ی قورساییه‌كی سیاسی و ئابووری هه‌یه‌.

به‌سه‌رۆكایه‌تی دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران شاندێكی باڵای په‌رله‌مانی سه‌رله‌به‌یانی ڕۆژی شه‌ممه‌ به‌رواری 5/2/2011 به‌ره‌و شاری ده‌وحه‌ی پایته‌ختی قه‌ته‌ر به‌ڕێككه‌وت به‌مه‌به‌ستی به‌شداریكردن كۆنگره‌ی یه‌كێتی په‌رله‌مانی عه‌ره‌بی.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران چاویكه‌وت به‌ شێخ عه‌بدوڵا بن زاید ئال نهه‌ییان وه‌زیری ده‌ره‌وه‌ی ده‌وڵه‌تی ئیماراتی عه‌ره‌بی و له‌دیدارێكدا هه‌ردوولا گفتوگۆیان كرد له‌باره‌ی ڕووداوه‌كانی گۆڕه‌پانی عه‌ره‌بی و بارودۆخی وڵاتانی ناوچه‌كه‌.وه‌زیری ده‌ره‌وه‌ی ئیمارات ئاماژه‌یكرد به‌ گرنگترین ئه‌و هه‌نگاوانه‌ی ده‌وڵه‌تی ئیمارات ناویه‌تی بۆ چه‌سپاندنی بنه‌ماكانی هاریكاری عه‌ره‌بی له‌ نێوان هه‌ردوو وڵاتدا.