دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران ‌له‌ ڕۆژی سێشه‌ممه‌ به‌رواری 1/2/2011 له‌ نوسینگه‌ی خۆی پێشوازیكرد له‌ ئه‌ندازیار موحه‌ممه‌د ساحێب ئه‌لده‌ڕاجی وه‌زیری ئاوه‌دانكردنه‌وه‌و نیشته‌جێكردن و له‌ دیدارێكدا هه‌ردوولا گفتوگۆیان كرد له‌باره‌ی گرنگترین پلانه‌كانی وه‌زاره‌ت بۆ دانانی سنورێك بۆ كێشه‌ی نیشته‌جێبوون.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران سوپاسی ئاڕاسته‌ی ئه‌فسه‌ران و سه‌ربازانی ده‌زگا ئه‌منیه‌كان كرد به‌رامبه‌ر ئه‌و هه‌وڵانه‌ی دایان بۆ دابینكردنی كه‌شێكی ئارام بۆ زیاره‌تكه‌رانی چله‌ی ئیمام حوسه‌ین، هه‌روه‌ها به‌ڕێزیان ئاماژه‌ی به‌وه‌كرد كه‌ عێراق خاوه‌نی پیاوانی ئاسایشی تایبه‌تن كه‌ خۆشه‌ویستی نیشتمان و قوربانیدان له‌ پێناویدا دروشمیانه‌و هه‌موولایه‌كیش ئه‌و بڕوایه‌یان بۆ دروستبووه‌ كه‌ عێراقیه‌كان توانای ئه‌وه‌یان هه‌یه‌ له‌هه‌موو ئاسته‌كاندا وڵاته‌كه‌یان به‌ڕێوه‌به‌رن پاش ڕۆیشتنی هێزه‌كانی داگیركه‌ر، هه‌روه‌ك جێگری یه‌كه‌می سه‌رۆكی ئه‌نجومه‌نی نوێنه‌ران داواشیكرد په‌له‌ بكرێت له‌ په‌سه‌ندكردنی یاسای خزمه‌تی كارمه‌ندانی ده‌زگاكانی ئاسایش بۆ پاراستنی مافه‌كانی ئه‌م توێژه‌ی گه‌لی عێراق.