بانده‌كانی قاعیده‌ و پاشماوه‌كانی به‌عس له‌ڕێی ئه‌و كاره‌ تیرۆریستانه‌ی ئه‌نجامی ده‌ده‌ن ته‌نها قێزه‌ونی بیروباوه‌ڕیان نیشان ده‌ده‌ن و ئه‌وه‌ ده‌سه‌لمێنن كه‌ دڵه‌كانیان هه‌موو سیفه‌تێكی مرۆیی تێدا نیه‌، ئه‌و ڕووداوه‌ش وێنه‌یه‌كه‌ له‌ وێنه‌كانی كه‌ربه‌لای شه‌هاده‌و سه‌ربه‌رزی كه‌ له‌م ڕۆژانه‌دا له‌ كه‌شوهه‌وای كاره‌ساته‌كانیدا ده‌ژی.هه‌ربۆیه‌ ناڕه‌زایی ده‌رده‌بڕین به‌رامبه‌ر ئه‌و كاره‌ تیرۆریستیه‌ی كه‌ دژی كه‌سانی بێتاوان ئه‌نجامدرا له‌ ڕۆڵه‌كانی گه‌له‌كه‌مان له‌ پارێزگای سه‌ڵاحه‌دین، ئه‌مه‌ش له‌كاتێكدایه‌ كه‌ عێراقی ئازیز ڕووبه‌ڕووی چه‌ندین ناهه‌مواری ده‌بێته‌وه‌، به‌ڵام ئێمه‌ به‌رده‌وام ده‌بین له‌سه‌ر بنیاتنانی داموده‌زگاكان و په‌ره‌پێدانی تواناكان به‌ره‌و ڕزگاربوون له‌ هه‌موو جۆره‌كانی تیرۆرو داگیركاری.

خێزانێكی عێراقی سوپاس و پێزانینی ئاڕاسته‌ی دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران كرد به‌هۆی هه‌ڵوێستی مرۆییانه‌ی پاش ئه‌وه‌ی ڕێوشوێنی پێویستی گرتبووه‌به‌رو سه‌رجه‌م ئه‌و پارانه‌ی له‌ ده‌بوو ئه‌و خێزانه‌ بیده‌ن خستیه‌ئه‌ستۆی خۆی بۆ گواستنه‌وه‌ی ته‌رمی منداڵه‌كه‌یان كه‌ له‌یه‌كێك له‌ نه‌خۆشخانه‌كانی لوبنان كۆچی كردبووچونكه‌ ڕێگه‌ نه‌ده‌درا به‌ هێنانه‌وه‌ی ته‌رمی منداڵه‌كه‌یان ته‌نها دوای پێدانی ئه‌و پارانه‌ نه‌بێت كه‌ له‌ئه‌ستۆیان بووه‌و له‌گه‌ڵ گرتنه‌به‌ری ڕێوشوێنی كارگێڕی پێویست نه‌بێت.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران سه‌رله‌به‌یانی ڕۆژی پێنجشه‌ممه‌ به‌رواری 13/1/2011 له‌ نوسینگه‌ی خۆی پێشوازیكرد له‌ شاندێكی بانكی نێوده‌وڵه‌تی، له‌دیداره‌كه‌دا هه‌ردوولا گفتوگۆیان كرد له‌باره‌ی چه‌ند بابه‌تێكی دارایی كه‌ ده‌بێته‌ مایه‌ی به‌ره‌وپێشبردنی بواری به‌ڕێوه‌بردنی بودجه‌ی دارایی و ڕێگاكانی خه‌رجكردنی.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران پێشوازیكرد له‌ شاندێكی ده‌زگای هه‌واڵگری عێراقی و له‌ دیداره‌كه‌دا جێگری سه‌رۆكی ئه‌نجومه‌ن گوێبیستی ڕاڤه‌یه‌كی ته‌واو بوو له‌باره‌ی قۆناغه‌كانی بنیاتنان و نوێكردنه‌وه‌ی ده‌زگاكه‌و چۆنیه‌تی به‌ره‌و پێشبردنی كاره‌كانی.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران له‌گه‌ڵ نوێنه‌ری لیسته‌ سیاسیه‌كان كۆبۆوه‌ به‌مه‌به‌ستی دیاریكردنی سه‌رۆك و ئه‌ندامانی لیژنه‌ په‌رله‌مانیه‌كان، له‌ دیداره‌كه‌دا جێگری سه‌رۆكی ئه‌نجومه‌نی نوێنه‌ران داكۆكیكرد له‌سه‌ر دیاریكردنی كه‌سانی لێهاتوو بۆ لیژنه‌كان به‌مه‌به‌ستی چالاككردن و كاراكردنی ڕۆڵی چاودێریانه‌ی په‌رله‌مان كه‌ ئه‌مه‌ش ڕه‌نگدانه‌وه‌ی باشی ده‌بێت له‌سه‌ر ئه‌وه‌ی سه‌رجه‌م وه‌زاره‌ت و ده‌زگا حكومیه‌كان خزمه‌تگوزاری باش پێشكه‌ش به‌ خه‌ڵك بكه‌ن، هه‌ر له‌ كۆبوونه‌وه‌كه‌دا ئه‌و له‌مپه‌رانه‌ باسكرا كه‌ ڕێگره‌ له‌به‌رده‌م كاری لیژنه‌كان.