لیژنه‌ی ڕۆشنبیری وڕاگه‌یاندن به‌سه‌رۆكایه‌تی په‌رله‌مانتار عه‌لی شلاه/ سه‌رۆكی لیژنه‌ ڕۆژی چوارشه‌ممه‌ 26-9-2012 میوانداری به‌ڕێز فازل تامر  سه‌رۆكی یه‌كێتی ئه‌دیبان وبه‌ڕێز سه‌باح مه‌نده‌لاوی نه‌قیبی هونه‌رمه‌ندان كرد وله‌ چاوپێكه‌وتنه‌كه‌دا باسی پێشنیارو سكاڵاكانی كه‌رتی ڕۆشنبیری وهونه‌ری كرا له‌چوارچێوه‌ی ئستراتیجیه‌تی پاڵپشتیكردنی خواستی ئه‌م كه‌رته‌  وخاڵه‌ هاوبه‌شه‌كانی نێوان یه‌كێتی وسه‌ندیكاكه‌ وڕێگاكانی پێشكه‌شكردنی یارمه‌تی دارایی بۆیان له‌ڕێگای ده‌ستنیشانكردنی بودجه‌یه‌كی تایبه‌ت پێیان له‌بودجه‌ی گشتیدا، وله‌لایه‌ن خۆیه‌وه‌ لیژنه‌ دووپاتیكرده‌وه‌ كه‌ هانی لایه‌نه‌كانی حكومه‌ی ده‌دات بۆ ئه‌وه‌ی له‌یاسای وه‌به‌رهێناندا هونه‌رمه‌ند وئه‌دیبان بگرێته‌وه‌ هه‌روه‌ها به‌دواداچوونی چاودێری ته‌ندروستی بۆ هونه‌رمه‌ندو ئه‌دیبان له‌ڕێگای پێشكه‌شكردنی ئاسانكاری له‌ چاره‌سه‌ركردندا، ودانانی ناویان له‌سه‌ر شوێنه‌ گشتیه‌كان وه‌كو ڕێزگرتنێك بۆیان.

لیژنه‌  لیژنه‌ی‌ ڕۆشنبیری‌ گه‌شت و گوزارو شوێنه‌واری ئه‌نجومه‌نی نوێنه‌ران ڕۆژی سێ شه‌ممه‌ 8/3/2011 كۆبوونه‌وه‌یه‌كی له‌ باره‌گای لیژنه‌دا سازكرد تێیدا تاوتوێی پرۆژه‌ یاسای وه‌زاره‌تی گه‌شت وگوزار وشوێنه‌وار كرا ودووپاتی له‌سه‌ر گرنگی یاساكه‌ ومادده‌كانی كرایه‌وه‌ به‌هۆی گونجانی له‌گه‌ڵ بارودۆخی ئێستای عیراق.

لیژنه‌ی گه‌شت و گوزارو شوێنه‌واره‌كان له‌به‌رواری 17/2/2011 كۆبوونه‌وه‌یه‌كی به‌سه‌رۆكایه‌تی په‌رله‌مانتار به‌كر حه‌مه‌ سددیق ئه‌نجامدا تێیدا باسی یاسای هه‌مواركردنی یه‌كه‌می یاسای ده‌سته‌ی گشتی شوێنه‌وار وفلكلۆر ژماره‌ 55 ی ساڵی 2002 كرد وڕێككه‌وتن له‌سه‌ر پێشكه‌شكردنی بیروڕای ئه‌ندامانی لیژنه‌ وپێشنیاره‌كانیان سه‌باره‌ت به‌یاساكه‌.

لیژنه‌ی گه‌شت و گوزار له‌ئه‌نجومه‌نی نوێنه‌ران له‌به‌رواری 14/2/2011 به‌سه‌رۆكایه‌تی په‌رله‌مانتار به‌كر حه‌مه‌ سددیق وئاماده‌بوونی ئه‌ندامانی لیژنه‌ كۆبوونه‌وه‌یه‌كی ئه‌نجامدا. له‌كۆبوونه‌وه‌كه‌دا تاوتوێی ژماره‌یه‌ك بابه‌ت كرا له‌وانه‌ سه‌ردانی به‌ڕێز وه‌زیری گه‌شت و گوزار وشوێنه‌واره‌كان بۆ لیژنه‌ وگرنگترین ئه‌و بابه‌تانه‌ی كه‌ له‌سه‌ردانه‌كه‌دا باس ده‌كرێن، هه‌روه‌ها له‌كۆبوونه‌وه‌كه‌دا باسی بابه‌تی جێگیركردنی ناوی ئه‌ندامانی لیژنه‌ كرا.