ڕۆژی یه‌كشه‌ممه‌ 30-9-2012 لیژنه‌ی كشتوكاڵ به‌سه‌رۆكایه‌تی په‌رله‌مانتار حامد خوزی – سه‌رۆكی لیژنه‌ وبه‌ئاماده‌بوونی ئه‌ندامانی لیژنه‌ وئه‌ندامانی هه‌ردوو لیژنه‌ی یاسایی ودارایی میوانداری به‌ڕێز وه‌زیری كشتوكاڵ عزددین ده‌وله‌ وبه‌ڕێوه‌به‌ری گشتی فه‌رمانگه‌ی پلاندانان وبه‌دواداچوون وبه‌ڕێوه‌به‌ری به‌شی پلاندانان له‌ وه‌زاره‌تی سامانه‌ ئاوییه‌كان كرد به‌مه‌به‌ستی پرس و ڕا وه‌رگرتن سه‌باره‌ت به‌ توانای ئه‌م وه‌زاره‌تانه‌ له‌ سه‌رفكردنی ده‌ڕماڵه‌ ئه‌گه‌ر هاتوو ئه‌نجومه‌نی نوێنه‌ران بڕیارێك له‌مباره‌یه‌وه‌ ده‌ربكات.

لیژنه‌ی كشتوكاڵ و ئاوو زۆنگاوه‌كان له‌ كۆبوونه‌وه‌یه‌كی ئاسایی خۆیدا په‌رله‌مانتار عیتاب جاسم نسه‌یفی وه‌ك بڕیارده‌ری لیژنه‌ هه‌ڵبژاردو تاووتوێی ئه‌و یاسایانه‌شی كرد كه‌ ڕه‌وانه‌ی كراوه‌ تاوه‌كو خوێندنه‌وه‌ی یه‌كه‌می بۆ بكرێت.هه‌ر له‌و دانیشتنه‌دا ئه‌ندامێكی لیژنه‌كه‌ دیاریكرا بۆ به‌شداریكردن له‌ ۆرك شۆپی ده‌سته‌ی ڕاوێژكارانی نوسینگه‌ی سه‌رۆك وه‌زیران به‌سه‌رپه‌رشتی وه‌زاره‌تی زانست و ته‌كنۆلۆجیا كه‌ تایبه‌ته‌ به‌ په‌ره‌پێدانی به‌رهه‌مه‌كانی دانه‌وێڵه‌ به‌تایبه‌ت گه‌نم، هه‌روه‌ك نووسراوێكیش ئاڕاسته‌ی وه‌زاره‌تی كشتوكاڵ كرا به‌مه‌به‌ستی خه‌رجكردنی پاره‌ی به‌رهه‌می جۆ له‌ پارێزگاكانی هه‌رێمی كوردستان