ليژنه‌ي‌ لاوان و وه‌رزش پرسه‌ي‌ خوالێخۆشبوو موحه‌ممه‌د عه‌باس راهێنه‌ري‌ تۆپي‌ پێي‌  يانه‌ي‌ وه‌رزشي‌ كه‌ربه‌لاي‌ راگه‌ياند و ليژنه‌كه‌ داواي‌ لێكۆڵينه‌وه‌يه‌كي‌ دادپه‌روه‌رانه‌و به‌خێرايي سزاي‌ تاوانباره‌كان بدرێت و قه‌ره‌بووي‌ خانه‌واده‌كه‌ي‌ بكرێت.

پێنجشه‌ممه‌ 9/5/2013 له‌كۆبوونه‌وه‌ي‌ ليژنه‌ي‌ لاوان و وه‌رزش به‌سه‌رۆكايه‌تي‌ سه‌رۆكي‌ ليژنه‌كه‌ په‌رله‌مانتار ره‌سوڵ سه‌عيد خۆشناو و به‌ئاماده‌بوني‌ ئه‌نداماني‌  ميوانداري‌ ئه‌مينداري‌ دارايي ليژنه‌ي‌ ئۆڵۆمپي‌ نيشتماني‌ كرا ، له‌ميانه‌ي‌ كۆبونه‌وه‌كه‌دا كاره‌كاني‌ ليژنه‌ي‌ ئۆڵۆمپي‌ له‌و ماوه‌يه‌دا و ده‌سه‌ڵاتي‌ كاره‌كاني‌ ليژنه‌كه‌ پاش كۆتايي  ماوه‌ي‌  دياريكراو و هه‌ڵبژاردني‌ ليژنه‌ي‌ ئۆڵۆمپي‌ و واده‌ي‌ هه‌ڵبژاردنه‌كان تاووتوێكرا .

چوارشه‌ممه‌ 24/4/2013 به‌سه‌رۆكايه‌تي‌ په‌رله‌مانتار عه‌لي ئه‌لموبه‌رقه‌ع جێگري‌ سه‌رۆكي‌ ليژنه‌ي‌ لاوان و وه‌رزش و به‌ئاماده‌بووني‌ ژماره‌يه‌ك له‌ئه‌ندامه‌كاني‌ رێنمايي هه‌ڵبژاردني‌ ليژنه‌ي‌ پارالامپي‌ نيشتمانيان تاووتوێكرد.

هه‌روه‌ها ليژنه‌كه‌ بڕياريدا چاوپێكه‌وتنێكي‌ فراوان له‌گه‌ڵ ده‌سته‌ي‌ گشتي‌ ليژنه‌ي‌ پارالامپي‌ و ناڕازيبواني‌ هه‌ڵبژاردنه‌كان سازبكات تا داڕشتني‌ كۆتايي بۆ رێنمايي هه‌ڵبژاردني‌ پارالامپي‌ دابنێن .

ڕۆژي چوارشه‌ممه‌ 3/4/2013 ليژنه‌ي‌ لاوان و وه‌رزش به‌سه‌رۆكايه‌تي‌ په‌رله‌مانتار عه‌لي ئه‌لموبه‌رقه‌ع جێگري‌ سه‌رۆكي‌ ليژنه‌، و به‌ئاماده‌بوني‌ ئه‌ندامه‌كاني‌ به‌مه‌به‌ستي ده‌ركردني‌ ياساي‌ هه‌ردوو ليژنه‌ي‌ ئۆڵۆمپي‌ وپارالامپي‌ بڕياريدا نوسراوێك ئاراسته‌ي‌ ئه‌نجومه‌ني‌ وه‌زيران بكات.

سێشه‌ممه‌ 5/3/2013 له‌كۆبوونه‌وه‌كه‌يدا به‌سه‌رۆكايه‌تي‌ په‌رله‌مانتار سه‌عيد ره‌سوڵ خۆشناو سه‌رۆكي‌ ليژنه‌ي‌ لاوان و وه‌رزش، و به‌ئاماده‌بووني‌ ئه‌ندامه‌كاني‌ ميوانداري‌ سه‌رۆكي‌ ليژنه‌ي‌ ئۆڵۆمپي‌ نيشتماني‌ و ژماره‌يه‌ك سه‌رۆكي‌ يه‌كێتييه‌ وه‌رزشييه‌كان و نوێنه‌ري‌ يانه‌كان و پسپۆڕاني‌ وه‌رزشييان كرد.

رۆژي‌ دووشه‌ممه‌ 25/2/2013 له‌ كۆبونه‌وه‌ي‌ خۆيدا به‌سه‌رۆكايه‌تي‌ په‌رله‌مانتار سه‌عيد ره‌سول خۆشناو سه‌رۆكي‌ ليژنه‌ و ئاماده‌بوني ئه‌نداماني‌، ليژنه‌ي‌ ناوبراو ميوانداري‌ سه‌رۆكي‌ ئه‌نجومه‌ني‌ يانه‌ وه‌رزشيه‌كان له‌ پارێزگاي‌ زيقار و سه‌رۆكي‌ ده‌سته‌ي‌ به‌رێوه‌به‌رايه‌تي‌ يانه‌ي‌ سوق ئه‌لشيوخ و به‌رێوه‌به‌ري‌ وه‌رزش و لاوان له‌ پارێزگا و ژماره‌يه‌ك له‌ سه‌رۆكي‌ ده‌سته‌ي‌ به‌رێوه‌به‌رايه‌تي‌ يانه‌كان له‌ پارێزگاي‌ واست كرد.

يه‌كشه‌ممه‌ 10/2/2013 به‌سه‌رۆكايه‌تي‌ په‌رله‌مانتار سه‌عيد ره‌سوڵ خۆشناو سه‌رۆكي‌ ليژنه‌ي‌ ليژنه‌ي‌ لاوان و وه‌رزش و به‌ ئاماده‌بووني‌ ئه‌ندامه‌كاني‌ ميوانداري‌ به‌ڕێز موحه‌ممه‌د جاسم جه‌عفه‌ر وه‌زيري‌ لاوان و وه‌رزش و شاندي‌ ياوه‌ري‌ كرا .

شه‌ممه‌ 12/1/2013 به‌سه‌رۆكايه‌تي‌ سه‌رۆكي‌ ليژنه‌ي‌ لاوان و وه‌رزش په‌رله‌مانتار ره‌سوڵ سه‌عيد خۆشناو و ئاماده‌بووني‌ ئه‌ندامه‌كاني‌ كۆبوونه‌وه‌ و بڕيارياندا به‌پێكهێناني‌ ليژنه‌يه‌ك له‌په‌رله‌مانتاران جێگري‌ سه‌رۆك ليژنه‌كه‌ عه‌لي‌ ئه‌لموبه‌رقه‌ع و سوره‌ييا نه‌جم و خاليس ئيشۆع بۆ توێژينه‌وه‌ له‌ رێنمايي هه‌ڵبژاردني‌ ليژنه‌ي‌ پارالامپي‌ .

هه‌روه‌ها ليژنه‌كه‌ ده‌رباره‌ي‌ دواهه‌مواري‌ رێنمايي هه‌ڵبژاردني‌ يه‌كێتييه‌ وه‌رزشييه‌كان چاوي به‌بڕياره‌كاني‌ ليژنه‌ي‌ سێ قۆڵيداخشانده‌وه‌.

ليژنه‌ي‌ لاوان و وه‌رزش ئه‌وهه‌واڵه‌ ره‌تده‌كاته‌وه‌ كه‌ رۆژنامه‌ي‌ ئه‌لموئته‌مه‌ر رۆژي‌ چوارشه‌ممه‌ 9/1/2013 گواستويه‌تييه‌وه‌ گوايا ليژنه‌ي‌ په‌رله‌ماني‌ داواي‌ كشانه‌وه‌ي‌ هه‌ڵبژارده‌ي‌ نيشتماني‌ تۆپي‌ پێ له‌ پاڵه‌وانێتي‌ كه‌نداوي‌ 21 كردووه‌ كه‌ له‌ده‌وڵه‌تي‌ به‌حره‌ين به‌ڕێوه‌ ده‌چێت به‌مه‌به‌ستي‌ ناڕه‌زايي دژي‌ ده‌سه‌ڵاتداراني‌ ئه‌و ده‌وڵه‌ته‌ چونكه‌ هاووڵاتييه‌كاني‌ ده‌چه‌وسێنێته‌وه‌ و سه‌ركوتيان ده‌كات .