له‌ ژێر دروشمی ( مسۆگه‌ركردنی مافی په‌ككه‌وته‌كان بۆ لكاندنیان به‌ كۆمه‌ڵگاوه‌ ) وه‌زاره‌تی ته‌ندروستی له‌به‌رواری 5 -6/2/2009 كۆنگره‌یه‌كی تایبه‌تی به‌ست بۆ چاودێری په‌ككه‌وته‌كان له‌ هۆتێلی ڕه‌شید له‌ به‌غدا بۆ ئه‌وه‌ی یاسایه‌ك ده‌وربكرێت بۆ چاودێریكردنی په‌ككه‌وته‌كان وكاربكات بۆ پێشخستنی تواناكانیان

سه‌رۆكی لیژنه‌ی ئافره‌ت ومنداڵپارێزی له‌ ئه‌نجومه‌نی نوێنه‌رانی عیراق سه‌میره‌ جه‌عفه‌ر موسه‌وی نامه‌یه‌كی لایه‌نگیری وهاوده‌نگی بۆ سندوقی گه‌شه‌پێدانی ئافره‌ت له‌ نه‌ته‌وه‌ یه‌كگرتووه‌كان نارد تێیدا سڵاوی خۆی ولیژنه‌كه‌ی بۆ ناردن وده‌ستخۆشی لێكردن له‌سه‌ر ئه‌و هه‌وڵانه‌ی كه‌ بۆ به‌رگریكردن له‌مافی ئافره‌ت ده‌یده‌ن،

لیژنه‌ی ئافره‌ت و خێزان و منداڵ میوانداری ئه‌ندامانی ده‌زگای شه‌هیدان كرد، به‌مه‌به‌ستی تاووتوێكردنی ڕێگریه‌كانی به‌رده‌می جێبه‌جێكردنی یاسای ده‌زگای شه‌هیدان ژماره‌ 3ی ساڵی 2006، لیژنه‌ی ئافره‌ت و خێزانیش داوایانكرد ئه‌ندامانی ده‌زگاكه‌ تێبینی و پێشنیاره‌كانیان به‌ نووسراو بخه‌نه‌ڕوو به‌مه‌به‌ستی ڕه‌وانه‌كردنی بۆ لیژنه‌ی شه‌هیدان له‌ ئه‌نجومه‌نی نوێنه‌ران تاوه‌كو مافی كه‌سوكاری شه‌هیدان مسۆگه‌ر بكرێت كه‌ نمونه‌ی قوربانیدان بوون له‌ سه‌رده‌می ڕژێمی پێشوو.

سندوقی په‌ره‌پێدانی مرۆیی سه‌ر به‌ نه‌ته‌وه‌ یه‌كگرتووه‌كان به‌ هاوكاری لیژنه‌ی ئافره‌ت و خێزان و منداڵ له‌ ڕۆژانی 24-27/7/2008 ۆرك شۆپێكی سازكرد به‌مه‌به‌ستی كۆكردنه‌وه‌ی تواناكان و نه‌هێشتنی كێشه‌كانی كۆمه‌ڵگه‌ به‌تایبه‌ت كێشه‌كانی ئافره‌ت.

لیژنه‌ی ئافره‌ت و خێزان و منداڵ له‌ ڕۆژی شه‌ممه‌ به‌رواری 7/6/2008 پێشوازی كرد له‌ وه‌زیری مافی مرۆڤ كردو له‌ دیداره‌كه‌شدا تاووتوێی گرتنی 512 عێراقی كرا له‌لایه‌ن هێزه‌كانی فره‌نه‌ته‌وه‌ كه‌ ته‌مه‌نیان له‌ خوار 17-18 ساڵیدایه‌، به‌تایبه‌ت كه‌ یاسای عێراقی مامه‌ڵه‌ی له‌گه‌ڵ كه‌سانی خوار ته‌مه‌نی یاسایی جیاكردۆته‌وه‌ له‌ مامه‌ڵه‌كردن له‌گه‌ڵ ئه‌و كه‌سانه‌ی ته‌مه‌نی یاساییان ته‌واو كردووه‌.

لیژنه‌ی ئافره‌ت و خێزان و منداڵ داوای له‌ حكومه‌ت كرد گرنگی بدات به‌ دۆسیه‌ی كۆمه‌ڵایه‌تی، ئه‌وه‌بوو سه‌رۆكی لیژنه‌ داوای له‌ جێگری سه‌رۆك وه‌زیران كرد كه‌ هاوتا له‌گه‌ڵ  دۆسیه‌ی سیاسی گرنگی به‌ دۆسیه‌ی كۆمه‌ڵایه‌تیش بدرێت له‌كاتێكدا كه‌ ژماره‌یه‌كی زۆری بێوه‌ژن و بێباوك هه‌یه‌و ڕێژه‌ی نه‌خوێنده‌واریش گه‌لێك به‌رزه‌

ژماره‌یه‌ك له‌ ئه‌ندامانی لیژنه‌ی ئافره‌ت و خێزان و منداڵ له‌ ئه‌نجومه‌نی نوێنه‌ران له‌ ڕۆژی پێنجشه‌ممه‌ به‌رواری 8/5/2008 پێشوازیان كرد له‌ ژماره‌یه‌ك له‌ ئه‌ندامانی ئه‌نجومه‌نی‌ پارێزگای نه‌ینه‌واو له‌لایه‌ن سه‌رۆكی لیژنه‌وه‌ به‌گه‌رمی پێشوازیان لێكرا