به‌چاودێري‌ به‌ڕێز ئوسامه‌ نوجه‌يفي‌ سه‌رۆكي‌ ئه‌نجومه‌ني‌ نوێنه‌ران رۆژي‌ چوارشه‌ممه‌ 5/12/2012 ليژنه‌ي‌ خوێندني‌ باڵا و توێژينه‌وه‌ي‌ زانستي‌ ئاهه‌نگي‌ خه‌ڵاتكردني‌ يه‌كه‌مه‌كاني‌ ئه‌مساڵي‌ زانكۆكاني‌ عيراقي‌ سازكرد، سه‌ره‌تاي‌ ئاهه‌نگه‌كه‌ به‌چه‌ند ئايه‌تێك له‌ قورئاني‌ پيرۆز ده‌ستيپێكرد و به‌ڕێز نوجه‌يفي‌ سه‌رۆكي‌ ئه‌نجومه‌ني‌ نوێنه‌ران پيرۆزبايي ئه‌م سه‌ركه‌وتنه‌ي‌ لێكردن وبه‌ختيار بوو به‌و چاوپێكه‌وتنه‌ له‌گه‌ڵ ئه‌م به‌توانا گه‌ورانه‌ و جه‌ختيكرد كه‌ ئه‌نجومه‌ني‌ نوێنه‌ران به‌رپرسياري‌ چاودێري‌ ئه‌م توانايانه‌يه‌  و ستايشي‌ خانه‌واده‌ي‌ ئه‌م خوێندكارانه‌ي‌ كرد كه‌ رۆڵه‌كانيان گه‌ياندۆته‌ ئه‌م پله‌ به‌رزه‌ و ئاماژه‌يدا كه‌ئه‌و توانانانه‌‌ عيراق ده‌گه‌ڕێنێته‌وه‌ شوێني‌ مێژوويي‌ خۆي له‌ جيهاندا.

رۆژي‌ شه‌ممه‌‌ 1/12/2012 به‌ئاماده‌بووني‌ سه‌رۆكي‌ ليژنه‌ په‌رله‌مانتار عه‌بد زياب ئه‌لعه‌جيلي‌ و به‌رێزان ئه‌نداماني‌ ليژنه‌ له‌باره‌گاي‌ ليژنه‌ي‌ خوێندني‌ باڵاو توێژينه‌وه‌ي‌ زانستي‌ به‌هاوكاري‌ له‌گه‌ڵ فه‌رمانگه‌ي‌ توێژينه‌وه‌ي‌ ئه‌نجومه‌ني‌ نوێنه‌ران ۆركشۆپێك سه‌باره‌ت به‌ بودجه‌ي‌ هه‌ردوو  وه‌زاره‌تي‌ خوێندني‌ باڵاو توێژينه‌وه‌ي‌ زانستي‌ و زانست و ته‌كنۆلۆژيا به‌هه‌ردوولاي‌ به‌كاربردن و وه‌به‌رهێنان سازكرد

ڕۆژي‌ چوارشه‌ممه‌ 14/11/2912 په‌رله‌مانتارعه‌بد زياب ئه‌لعوجێلي‌ سه‌رۆكي‌ ليژنه‌ له‌ باره‌گايي‌ ليژنه‌ پێشوازي‌ له‌ كۆمه‌ڵێك قوتابياني‌ زانكۆه‌كاني‌ عێراقي‌ كرد يۆ گوێگرتن له‌ كێشه‌كانيان به‌ نيازي‌ چاره‌سه‌ركردنيان له‌ گه‌ل لايه‌نه‌كاني‌ بسپۆردا.

رۆژي‌ يه‌كشه‌ممه‌ 11/11/2012 هه‌ردوو په‌رله‌مانتار وه‌ليد ئه‌لحلي و عامر ئه‌لكه‌فيشي‌ به‌شداري‌ كۆنگره‌ي‌ جيهاني‌ (ته‌كنيكي‌ هه‌ستپێكردن له‌ دووره‌وه‌و چاره‌سه‌ركردني‌ وێنه‌ ديجيتاڵه‌كان) يان كرد كه‌ كۆليژي‌ زانستي‌ زانكۆي‌ به‌غدا سازيكرد ، په‌رله‌مانتار ئه‌لحلي وته‌يه‌كي‌ پێشكه‌ش كرد به‌نوێنه‌رايه‌تي‌ ليژنه‌ي‌ 

رۆژي‌ شه‌ممه‌ 10/11/2012 ليژنه‌ي‌ خوێندني‌ باڵا و توێژينه‌وه‌ي‌ زانستي‌ به‌سه‌رۆكايه‌تي‌ دكتۆر عه‌بد زياب ئه‌لعه‌جيلي كۆبۆوه‌ تا  گفتوگۆ له‌سه‌ر چه‌ند پرسێكي‌ كارنامه‌ي‌ كۆبونه‌وه‌كه‌ بكه‌ن .

رۆژي‌ يه‌كشه‌ممه‌ 4/11/2012 په‌رله‌مانتار عه‌بد زياب ئه‌لعه‌جيلي‌ سه‌رۆكي‌ ليژنه‌ي‌ خوێندني‌ باڵا و توێژينه‌وه‌ي‌ زانستي‌ چاويكه‌وت به‌ شاندي‌ ئوستورالي به‌سه‌رۆكايه‌تي‌ په‌رله‌مانتار تيم هۆڵدينگ وه‌زيري‌ گه‌نجينه‌وپيشه‌سازي‌ حكومه‌تي‌ سێبه‌ري‌ ئوسترالي و خاتوو ليندڵ ساكس باڵوێزي‌ ئوستوراليا

رۆژي‌ شه‌ممه‌ 13/10/2012 ليژنه‌ي‌ خوێندني‌ باڵاوتوێژينه‌وه‌ي‌ زانستي‌ به‌سه‌رۆكايه‌تي‌ سه‌رۆكه‌كه‌ي‌  په‌رله‌مانتار عه‌بد زياب ئه‌لعه‌جيلي‌ پێشوازي‌ له‌ باڵوێزي‌ ئيتاڵيا  ماسيمو كارنيلۆس كرد، هه‌ردوولا باسيان له‌ پته‌وكردني‌ هاوكاري‌ زانستي‌ و په‌رله‌ماني‌ نێوان هه‌ردوو وڵات كرد.

لاي‌ خۆيه‌وه‌ داوه‌تنامه‌ي‌ ئاڕاسته‌ي‌ ژماره‌يه‌ك له‌ ئه‌نداماني‌ ليژنه‌ي‌ خوێندني‌ باڵا ي‌ په‌رله‌ماني‌ كرد تا سه‌رداني‌ ئيتاڵيا بكه‌ن و ئاشنا ببن به‌ زانستي‌ تايبه‌تمه‌ندي‌ ئێستاي‌ ئيتاڵيا  بۆ ئه‌وه‌ي‌ له‌ ئه‌زمووني‌ وڵاته‌ پێشكه‌وتووه‌كان له‌و كه‌رته‌دا سودمه‌ندبن .

 رۆژي‌ چوارشه‌ممه‌ 10/10/2012 ليژنه‌ي‌ خوێندني‌ باڵا وتوێژينه‌وه‌ي‌ زانستي‌ په‌رله‌ماني‌ له‌گه‌ڵ به‌ڕێز عه‌لي  ئه‌لئه‌ديب وه‌زيري‌ خوێندني‌ باڵا وتوێژينه‌وه‌ي‌ زانستي‌ كۆبووه‌وه‌ بۆ باسكردني‌ ئه‌و خاڵانه‌ي‌ له‌ كۆبوونه‌وه‌كه‌دا هاتووه‌ به‌شێوه‌يه‌كي‌ وورد و رێكبكه‌ون له‌سه‌ر ميكانيزمێكي‌ كاري‌ هاوبه‌ش بۆچاره‌سه‌ركردني‌ ئه‌و كێشانه‌ي‌ خراونه‌ته‌ ڕوو هه‌روه‌ها هاوكاري‌ هاوبه‌ش له‌ پشتگيريكردني‌ زانكۆكاني‌ عيراق و مامۆستا و خوێندكاران و توێژينه‌وه‌ي‌ زانستي‌ ، وێڕاي‌ پشتگيريكردني‌ خوێندكاري‌ نێردراو بۆ خوێندن .