دكتۆر حه‌یده‌ر سویدی  جێگری سه‌رۆكی لیژنه‌ی سكالا له‌ ڕۆژی چوارشه‌ممه‌ به‌رواری 15/10/2008 كۆبوونه‌وه‌یه‌كی له‌گه‌ڵ به‌ڕێوه‌به‌ری فه‌رمانگه‌ خزمه‌تگوزاری و ته‌ندروستیه‌كان له‌ پارێزگای بابل سازكرد له‌وانه‌ (ته‌ندروستی و ئاوو ئاوه‌ڕۆو شاره‌وانی و ژینگه‌) به‌مه‌به‌ستی تاووتوێكردنی كێشه‌ی نه‌خۆشی كۆلێر

لیژنه‌ی سكاڵا له‌ ئه‌نجومه‌نی نوێنه‌ران له‌ ڕۆژی شه‌ممه‌ به‌رواری 20/9/2008 كۆبوونه‌وه‌یه‌كی هاوبه‌شی له‌گه‌ڵ شاندی ده‌زگای شه‌هیدان ئه‌نجامدا به‌مه‌به‌ستی هه‌مواركردنی یاسای ده‌زگای شه‌هیدان ژماره‌ 3ی ساڵی 2006.

لیژنه‌ی سكاڵا له‌ ڕۆژی دووشه‌ممه‌ به‌رواری 2/6/2008 پێشوازیكرد له‌ به‌ڕێز كریك بۆر شاره‌زای كاروباری په‌رله‌مانی له‌ په‌رله‌مانی به‌ریتانیا.
سه‌ره‌تاش كریك بۆر له‌باره‌ی كێشه‌كانی لیژنه‌ی سكاڵای كۆڵیه‌وه‌ له‌گه‌ڵ چۆنیه‌تی لابردنی ئه‌و له‌مپه‌رانه‌ی دێته‌ڕێگای لیژنه‌و چۆنیه‌تی پێشوازیكردنی سكالای هاوڵاتیان و مامه‌ڵه‌ی ده‌سته‌ی سه‌رۆكایه‌تی په‌رله‌مانیش له‌گه‌ڵ لیژنه‌، پێشی وابوو ناونانی ئه‌م لیژنه‌ به‌ لیژنه‌ی سكاڵا گرنگیه‌كی تایبه‌تی هه‌یه‌.
دواتر سه‌رۆكی لیژنه‌ی سكاڵا گرنگترین چالاكی و ده‌ستكه‌وته‌كانی لیژنه‌كه‌ی خسته‌ڕوو له‌گه‌ڵ ئه‌و له‌مپه‌رانه‌ی دێته‌به‌رده‌میان و ئه‌وه‌شی خسته‌ڕوو لیژنه‌كه‌ی له‌وسكاڵایانه‌ ده‌كۆڵیته‌وه‌ كه‌ سه‌رپێچی یاسایی تێداباسكراوه‌و ئاشكراشی كرد كه‌ ئێستا زیاتر له‌ 7 هه‌زار سكاڵای هاولاتیان پێشوازی لێكراوه‌و چه‌ند پڕۆژه‌ یاسایه‌كیش پێشكه‌شكراوه‌ له‌لایه‌ن لیژنه‌ی سكاڵاوه‌. پێداگری له‌سه‌ر ئه‌وه‌ش كرد كه‌ لیژنه‌ی سكاڵا كاری كردووه‌ بۆ ئه‌وه‌ی ببێته‌ پردی نێوان ئه‌نجومه‌نی نوێنه‌ران و هاوڵاتیان.
هه‌روه‌ك جێگری سه‌رۆكی لیژنه‌ ئه‌وه‌ی خسته‌ڕوو كه‌ كارمه‌ندانی لیژنه‌ی سكاڵاو نوسینگه‌كانی سكاڵا له‌ پارێزگاكان پێویستیان به‌وه‌یه‌ تواناكانیان به‌ره‌وپێش ببرێت و ئاگاداری ئه‌زموونی وڵاتانی دیكه‌ بن له‌مڕوه‌وه‌.
لیژنه‌ی سكاڵا

لیژنه‌ی سكاڵا میوانداری به‌ڕێوه‌به‌ری گشتی كۆمپانیای گشتی پیشه‌سازی ڕۆنی ڕووه‌كی و ئه‌ندامانی ئه‌نجومه‌نی به‌ڕێوه‌بردنی كارگێڕی كرد.
له‌دیداره‌كه‌دا گرنگترین ئه‌و كێشه‌و ڕێگریانه‌ تاووتوێكرا كه‌ ڕووبه‌ڕوویان ده‌بێته‌وه‌ له‌ كاره‌كانیاندا، به‌تایبه‌ت نه‌بوونی كاره‌باو سووته‌مه‌نی. له‌به‌رئه‌وه‌ش ئه‌م كۆمپانیایه‌ گرێبه‌ستی كردووه‌ له‌گه‌ڵ وه‌زاره‌تی بارزگانی به‌وه‌ی به‌شێك له‌ كۆبوونی خۆراك دابین بكات، هه‌ربۆیه‌ كه‌می كاره‌باو سووته‌مه‌نی كاریگه‌ری خراپی ده‌بێت له‌سه‌ر كاره‌كانیان.
له‌لایه‌ن خۆیه‌وه‌ لیژنه‌ی سكاڵا به‌ده‌مه‌وه‌چوونی ئه‌م كێشه‌یه‌ی خسته‌ ئه‌ستۆی خۆی ئه‌ویش به‌ په‌یوه‌ندیكردن به‌ وه‌زیری نه‌وت و كاره‌با بۆ كه‌مكردنه‌وه‌ی ئه‌م ڕێگریانه‌.

لیژنه‌ی سكاڵا له‌ ئه‌نجومه‌نی‌ نوێنه‌ران له‌ ڕۆژی 27/4/2008 میوانداری به‌رێز حاته‌م مه‌یاجی سه‌رۆكی ده‌زگای زیندانه‌ سیاسیه‌كان و به‌ڕێوه‌به‌ری گشتی فه‌رمانگه‌ی یاسایی ئه‌و ده‌زگایه‌ی كردو كۆبوونه‌وه‌كه‌ش به‌سه‌رۆكایه‌تی عه‌بدولكه‌ریم عنێزی سه‌رۆكی لیژنه‌ی سكاڵاو ژماره‌یه‌ك له‌ ئه‌ندامانی لیژنه‌ به‌ڕێوه‌چوو

لیژنه‌ی سكاڵا له‌ به‌رواری 27/4/2008 دانیشتنێكی تایبه‌تی سازكرد بۆ بانگهێشتكردنی ئه‌مینداری به‌غدا به‌مه‌به‌ستی تاووتوێكردنی ژماره‌یه‌ك له‌ سكاڵای هاولاتیان و له‌ دانیشتنه‌كه‌دا ژماره‌یه‌ك له‌ ئه‌ندامانی لیژنه‌و چه‌ند به‌ڕێوه‌به‌رێكی گشتی له‌ ئه‌میندارێتی به‌غدا ئاماده‌بوون و وورده‌كاریه‌كانی سكاڵاكان و ڕێوشوێنه‌كانی پێویست له‌وباره‌یه‌وه‌ تاووتوێكرا سه‌ره‌ڕای چاره‌سه‌ری كرده‌یی بۆ زۆرێك له‌وكێشانه‌

لیژنه‌ی‌ سكاڵا له‌ نوسینگه‌ی‌ سه‌رۆكی‌ لیژنه‌و له‌ كۆبوونه‌وه‌یه‌كدا كه‌ ئه‌ندامانی‌ لیژنه‌ ئاماده‌بوون چه‌ندین خاڵی‌ گرنگی‌ تاووتوێكردو به‌رنامه‌ی‌ كاری‌ دانیشتنه‌كه‌ش بریتی‌ بوو له‌ تاووتوێكردنی‌ كێشه‌ی‌ نوسینگه‌ی‌ سكاڵای‌ كه‌ربه‌لای‌ پیرۆز و تاووتوێكردنی‌ پێشنیاری‌ یاسای هه‌مواركردنی‌ یاسای خزمه‌تی‌ شارستانی‌ كه‌ وه‌زاره‌تی‌ دارایی ڕه‌تی‌ كردبۆوه‌ له‌گه‌َڵ گفتۆگۆكردن ده‌رباره‌ی‌ سكاڵای‌ هاولاتیان و ڕێكخستنی‌ موڵكایه‌تی‌

هه‌ردوو لیژنه‌ی‌ سكاڵاو لیژنه‌ی‌ شه‌هیدان و قوربانیان و زیندانه‌ سیاسیه‌كان كۆبوونه‌وه‌یه‌كی‌ هاوبه‌شیان له‌ڕۆژی‌ یه‌كشه‌ممه‌ به‌رواری‌ 13/4/2008 له‌باره‌گای‌ لیژنه‌ی‌ سكاڵا ئه‌نجامدا