ئه‌نجومه‌نی نوێنه‌ران له‌ دانیشتنی ژماره‌ سی و هه‌شته‌می ئاسایی خۆیدا به‌سه‌رۆكایه‌تی ئوسامه‌ نوجه‌یفی سه‌رۆكی ئه‌نجومه‌ن له‌ ڕۆژی یه‌كشه‌‌ممه‌ به‌رواری 6/3/2011 پێكهێنانی چه‌ند لیژنه‌یه‌كی لێكۆڵینه‌وه‌ی په‌سه‌ندكرد پاش ئه‌و خۆپیشاندانانه‌ی كه‌ له‌ پارێزگاكانی وڵات ئه‌نجامدران.

سه‌رۆكی ئه‌نجومه‌نی نوێنه‌ران ڕۆژی شه‌ممه‌ به‌رواری 5/3/2011 به‌ ئاماده‌بوونی جێگری یه‌كه‌می سه‌رۆكی ئه‌نجومه‌ن له‌گه‌ڵ سه‌رۆك و نوێنه‌ری لیسته‌ په‌رله‌مانیه‌كان كۆبۆوه‌ به‌مه‌به‌ستی تاووتوێكردنی دوا پێشهاته‌كانی بارودۆخی عێراق.

ئه‌نجومه‌نی‌ نوێنه‌رانی‌ عیراق رۆژی چوارشه‌ممه‌ی‌ داهاتوو سه‌رپه‌رشتی كۆنگره‌ی ده‌سه‌ڵاتی‌ هه‌رێمه‌كان و ئه‌و پارێزگایانه‌ی هه‌رێم پێكناهێنن ساز ده‌كات كه‌ ماوه‌ی‌ دوو رۆژ ده‌خایه‌نێت و سێ ته‌وه‌ری بنه‌ڕه‌تی‌ له‌ خۆ ده‌گرێت كه‌ ئه‌وانیش بریتین له‌ ده‌سه‌ڵاته‌كانی‌ حكومه‌تی‌ فیدڕاڵی‌ و هه‌رێمه‌كان و ئه‌و پارێزگایانه‌ی هه‌رێم پێكناهێنن، له‌گه‌ڵ بودجه‌ی هه‌رێم و پارێزگاكان له‌ نێوان خواست و واقیعدا له‌وانه‌ش پێداویستی و پاره‌ ته‌رخانكراوه‌كان و ئه‌و شكستانه‌ی ڕوویانداوه‌ له‌ ئاماده‌كردن و جێبه‌جێكردنی بودجه‌و چاره‌سه‌ره پێویسته‌كان، ئه‌مه‌ جگه‌ له‌ ڕووه‌كانی په‌یوه‌ندی دوولایه‌نه‌و میكانیزمه‌كانی له‌ نێوان ده‌سه‌ڵاته‌ فیدڕاڵیه‌كان ده‌سه‌ڵاتی هه‌رێمه‌كان و ئه‌و پارێزگایانه‌ی هه‌رێم پێكناهێنن.

ئه‌نجومه‌نی نوێنه‌ران له‌ دانیشتنی ژماره‌ سی ئاسایی خۆیدا به‌سه‌رۆكایه‌تی ئوسامه‌ نوجه‌یفی سه‌رۆكی ئه‌نجومه‌ن له‌ ڕۆژی دووشه‌‌ممه‌ به‌رواری 7/2/2011 لیژنه‌یه‌كی پێك هێنا بۆ لێكۆڵینه‌وه‌ له‌ گرێبه‌سته‌كانی وه‌زاره‌تی بازرگانی بۆ ساڵانی 2008 تاوه‌كو 2010 تایبه‌ت به‌ به‌شه‌خۆراكی كۆبوونی خۆراك .