ئه‌نجومه‌نی نوێنه‌ران له‌ دانیشتنی ژماره‌ بیست و سێیه‌‌می خۆیدا له‌ ڕۆژی یه‌كشه‌ممه‌ به‌رواری 16/1/2011 به‌سه‌رۆكایه‌تی ئوسامه‌ نوجه‌یفی سه‌رۆكی ئه‌نجومه‌نی نوێنه‌ران كۆتایی هێنا به‌خوێندنه‌وه‌ی یه‌كه‌می پڕۆژه‌ی یاسای بودجه‌ی گشتی فیدڕاڵی ساڵی 2011.له‌سه‌ره‌تای دانیشتنه‌كه‌شدا كه‌ به‌خوێندنه‌وه‌ی چه‌ند ئایه‌تێك له‌ قورئانی پیرۆز ده‌ستی پێكرد په‌رله‌مانتار ئه‌رشه‌د ساڵحی به‌بۆنه‌ی ڕۆژی شه‌هیدی توركمانی وته‌یه‌كی پێشكه‌شكردو تێیدا یادی له‌سێداره‌دانی ژماره‌یه‌ك له‌ شه‌هیدانی توركمانی عێراقی كرده‌وه‌ له‌ساڵی 1980 پاش ئه‌وه‌ی داوای مافی توركمان و سه‌رجه‌م خه‌ڵكی عێراقیان كردبوو، ئاماژه‌ی به‌وه‌شكرد كه‌ توركمانه‌كان مافی خۆیانه‌ داوای مافه‌كانیان بكه‌ن هه‌روه‌ك چۆن خه‌ڵكی دیكه‌ش داوای مافه‌كانیان ده‌كه‌ن.