ئه‌نجومه‌نی نوێنه‌ران له‌ دانیشتنی ئاسایی دوازده‌یه‌می خۆی به‌سه‌رۆكایه‌تی ئوسامه‌ نوجه‌یفی سه‌رۆكی ئه‌نجومه‌نی نوێنه‌ران له‌ ڕۆژی یه‌كشه‌ممه‌ به‌رواری 19/12/2010 ده‌نگیدا له‌سه‌ر دووباره‌ خه‌رجكردنه‌وه‌ی بودجه‌ی په‌ره‌پێدانی هه‌رێمه‌كان و بودجه‌ی وه‌به‌رهێنان و بڕی پاره‌ی پیترۆدۆلاری پارێزگاكان و داهاتی خاڵه‌ سنوریه‌كان.

سه‌رۆكی ئه‌نجومه‌نی نوێنه‌ران به‌ڕێز ئوسامه‌ نوجه‌یفی ئێواره‌ی ڕۆژی سێشه‌ممه‌ به‌رواری 7/12/2010 له‌گه‌ڵ سه‌رۆك وه‌زیران به‌ڕێز نوری مالیكی كۆبۆوه‌و هه‌ردوولا تاووتوێی گرنگترین په‌ره‌سه‌ندنه‌كانی گۆڕه‌پانی عێراقیان كرد، هه‌روه‌ك گفتوگۆیان كرد له‌باره‌ی هاوبه‌شی نیشتمانی و په‌له‌كردن له‌ پێكهێنانی حكومه‌ت و میكانیزمی پێكهێنانی ئه‌نجومه‌نی سیاسه‌ته‌ ستراتیژیه‌كان و هه‌مواركردنی یاسای لێپرسینه‌وه‌و دادوه‌ری.

دكتۆر قوسه‌ی سوهه‌یل جێگری یه‌كه‌می سه‌رۆكی ئه‌نجومه‌نی نوێنه‌ران سه‌ر له‌به‌یانی ڕۆژی دوو شه‌ممه‌ به‌رواری 6/12/2010 سه‌رۆكایه‌تی كۆبوونه‌وه‌یه‌كی لیژنه‌ی تایبه‌ت به‌ هه‌مواركردنی په‌یڕه‌وی ناوخۆی كرد، له‌ كۆبوونه‌وه‌كه‌دا گفتوگۆكرا له‌باره‌ی ده‌سه‌ڵاته‌كانی سه‌رۆكی ئه‌نجومه‌نی نوێنه‌ران و دوو جێگره‌كه‌ی به‌ گوێره‌ی ده‌ستورو بریاری دادگای باڵای فیدڕاڵی كه‌ له‌مباره‌یه‌وه‌ له‌به‌رواری 2ی ئه‌م مانگه‌ ده‌رچووه‌

ئه‌نجومه‌نی نوێنه‌ران له‌ دانیشتنی ئاسایی ده‌یه‌می خۆی به‌سه‌رۆكایه‌تی جێگری یه‌كه‌می سه‌رۆكی ئه‌نجومه‌ن دكتۆر قوسه‌ی ئه‌لسوهه‌یل له‌ ڕۆژی دووشه‌ممه‌ به‌رواری 6/12/2010 تاووتوێی دامه‌زراندنی فه‌رمانبه‌رانی كرد له‌لایه‌ن حكومه‌ت له‌گه‌ڵ پڕۆژه‌ی ئاودێری (كیفل-شه‌نافیه‌) و وه‌رگرتنه‌وه‌ی قوتابیانیه‌ ده‌ركراوه‌كان له‌ زانكۆو په‌یمانگاكان.

سه‌ره‌تاش سه‌رۆكی ئه‌نجومه‌نی نوێنه‌ران پۆزشی به‌ڕێز سه‌فائه‌دین ئه‌لسافی وه‌زیری بازرگانی خوێنده‌وه‌ به‌هۆی ئاماده‌نه‌بوونی له‌و دانیشتنه‌ی كه‌ میوانداری ناوبراوی تێداكرابوو،

به‌پێی‌ مادده‌ (18 _ یه‌كه‌م )ی‌ په‌یڕه‌وی‌ ناوخۆی‌ ئه‌نجوومه‌ن ، به‌ڕێز سه‌رۆكی‌ ئه‌نجوومه‌نی‌ نوێنه‌ران بڕیاریدا به‌ جێبه‌جێكردنی‌ ڕێوشوێنی پێویست ده‌رهه‌ق به‌و په‌رله‌مانتارانه‌ی له‌ دانیشتنی‌  ژماره‌ 3 ی‌ ڕۆژی‌ 21/11/2010دا ئاماده‌ نه‌بوون.