له‌ سیمیناری یازده‌یه‌می ئه‌نجومه‌نی نوێنه‌راندا كه‌ له‌ ڕۆژی چوارشه‌ممه‌ به‌رواری 6 تشرینی یه‌كه‌می 2010 له‌ هۆڵی ده‌ستوری له‌ باره‌گای ئه‌نجومه‌نی نوێنه‌ران ئه‌نجامدرا كۆتاییهێنرا به‌ تاووتوێكردنی دۆسیه‌ی ته‌ندروستی و چۆنیه‌تی كاراكردن و باشكردنی ئه‌م بواره‌و چاوخشاندنه‌وه‌ به‌ په‌یكه‌ری كارگێڕی وه‌زاره‌تی ته‌ندروستی و چاره‌سه‌ركردنی كێشه‌ی كه‌می خزمه‌تگوزاری پزیشكی و ته‌ندروستی و نزمی ئاستی زانستی قوتابیانی كۆلێژه‌ پزیشكیه‌كان هه‌روه‌ك داواشكرا ئه‌نجومه‌نێكی تایبه‌ت به‌ كه‌رتی ته‌ندروستی پێكبهێنرێت كه‌ وه‌زاره‌ته‌ جیاوازه‌كان له‌ خۆبگرێت.

له‌ سیمیناری یازده‌یه‌می كراوه‌ی ئه‌نجومه‌نی نوێنه‌ران له‌ ڕۆژی سێشه‌ممه‌ به‌رواری 5ی تشرینی یه‌كه‌می 2010 تاووتوێی باری ته‌ندروستی و چۆنیه‌تی به‌ره‌وپێشبردنی كرا، له‌ سیمیناره‌كه‌دا هه‌ریه‌ك له‌ ئه‌ندامانی خوولی ئێستاو پێشووی ئه‌نجومه‌نی نوێنه‌ران و به‌ڕێز عادل عه‌بدولمه‌هدی جێگری سه‌رۆك كۆمارو ژماره‌یه‌ك له‌ پسپۆڕانی بواری ته‌ندروستی ئاماده‌بوون و تێیدا چه‌ند ته‌وه‌ره‌یه‌كی سه‌ره‌كی تاووتوێكرا له‌وانه‌ سیسته‌می ته‌ندروستی له‌ عێراق و ستراتیژی ته‌ندروستی پشت پێبه‌ستراوو چاكسازی له‌بواری كه‌رتی ته‌ندروستیدا.

له‌ سیمیناری حه‌وته‌می نێو باره‌گای ئه‌نجومه‌نی نوێنه‌ران تاووتوێی ژیانی سیاسی و یاسای پارته‌كان كرا، سیمیناره‌كه‌ ڕۆژی سێشه‌ممه‌ به‌رواری 28ی ئه‌یلولی 2010 به‌ڕێوه‌چوو، تێیدا ژماره‌یه‌ك له‌ په‌رله‌مانتاران و به‌ڕێز عادل عه‌بدولمه‌هدی جێگری سه‌رۆك كۆمارو ژماره‌یه‌ك له‌ مامۆستایانی زانكۆو نوێنه‌رانی ڕێكخراوه‌كانی كۆمه‌ڵگه‌ی مه‌ده‌نی ئاماده‌بوون.