ده‌سته‌ی سه‌رۆكایه‌تی ئه‌نجومه‌نی نوێنه‌ران و لیسته‌ په‌رله‌مانیه‌كان ناڕه‌زاییان ده‌ربڕی به‌رامبه‌ر تیرۆركردنی په‌رله‌مانتار ساڵح ئه‌لعگێلی له‌ لیستی سه‌دری، ئه‌مه‌ی خواره‌وه‌ش ده‌قی به‌یاننامه‌كانه‌:

ئه‌نجومه‌ني نوێنه‌ران به‌رده‌وام بوو له‌سه‌ر دانيشتني چواره‌ده‌يه‌مي ئاسايي كراوه‌ي خۆي به‌سه‌رۆكايه‌تي شێخ خاليد عه‌تيه‌ جێگري يه‌كه‌مي سه‌رۆكي ئه‌نجومه‌ني نوێنه‌ران له‌ ڕۆژي پێنجشه‌ممه‌ به‌رواري 9ي تشريني يه‌كه‌مي 2009 له‌ كۆشكي كۆنگره‌كان له‌ به‌غدا، دانيشتنه‌كه‌ش به‌ خوێندني چه‌ند ئايه‌تێك له‌ قورئاني پيرۆز ده‌ستي پێكرد، دواتر بڕيارده‌ري دانيشتنه‌كه‌ ناوي ئه‌نداماني ئاماده‌نه‌بووي له‌ دانيشتني ڕابردوو خوێنده‌وه‌.