ئه‌ندامانی لیژنه‌ی گۆڕینی ئاڵای عێراق كۆنگره‌یه‌كی ڕۆژنامه‌وانیان له‌ ڕۆژی سێشه‌ممه‌ به‌رواری 15/7/2008 له‌ كۆشكی كۆنگره‌كان له‌به‌غدا ئه‌نجامداو تێیدا به‌ڕێز موفید جه‌زائیری سه‌رۆكی لیژنه‌كه‌ ده‌ستپێكردنی پێشبڕكێی نه‌خشه‌كێشانی ئاڵای كۆماری عێراقی ڕاگه‌یاند.

ئه‌نجومه‌نی نوێنه‌ران به‌رده‌وام بوو له‌سه‌ر دانیشتنی ئاسایی سی و سێیه‌مینی كراوه‌ی خۆی به‌ سه‌رۆكایه‌تی شێخ خالید عه‌تیه‌ جێگری یه‌كه‌می سه‌رۆكی ئه‌نجومه‌نی نوێنه‌ران له‌ ڕۆژی دووشه‌ممه‌ به‌رواری 7ی ته‌مموزی 2008 له‌ كۆشكی كۆنگره‌كان له‌ به‌غدا.

ژماره‌یه‌ك له‌ په‌رله‌مانتاران له‌ كۆنگره‌یه‌كی ڕۆژنامه‌وانیدا به‌یاننامه‌یه‌كیان خوێندنه‌وه‌و تێیدا داوایانكرد ماده‌ی 50ی یاسای هه‌ڵبژاردنی ئه‌نجومه‌نی پارێزگاو قه‌زاو ناحیه‌كان لاببرێت كه‌ ده‌قه‌كه‌ی ئاماژه‌ به‌ ئه‌نجامدانی ڕێوشوێنی پێویست ده‌كات بۆ ئه‌وه‌ی ئافره‌ت له‌ ئه‌نجومه‌نی پارێزگا یان قه‌زا یاخود ناحیه‌ ڕێژه‌ی 25% كه‌متری نه‌بێت له‌ كۆی كورسیه‌كانی ئه‌م ئه‌نجومه‌نانه‌، ئه‌مه‌ش له‌و ژنه‌ پاڵێورانه‌ی كه‌ زۆرترین ده‌نگیان به‌ده‌ست هێناوه‌.

شێخ خالید عه‌تیه‌ جێگری یه‌كه‌می سه‌رۆكی ئه‌نجومه‌نی نوێنه‌ران ڕۆژی چوارشه‌ممه‌ 2/7/2008 سه‌رۆكایه‌تی كۆبوونه‌وه‌یه‌كی كرد به‌ئاماده‌بوونی ئه‌ندامانی لیژنه‌ی كارو خزمه‌تگوزاری و لیژنه‌ی نه‌وت و گازو به‌ڕێز عارف ته‌یفور جێگری سه‌رۆكی ئه‌نجومه‌نی نوێنه‌ران، له‌و دانیشتنه‌دا میوانداری هه‌ردوو وه‌زیری نه‌وت و كاره‌باش كرا.