ئه‌نجومه‌نی نوێنه‌ران به‌رده‌وام بوو له‌سه‌ر دانیشتنی ئاسایی بیست و نۆیه‌‌می ئاسایی خۆی به‌سه‌رۆكایه‌تی شێخ خالید عه‌تیه‌ جێگری یه‌كه‌می سه‌رۆكی ئه‌نجومه‌نی نوێنه‌ران له‌ ڕۆژی یه‌كشه‌ممه‌ به‌رواری 22ی حوزه‌یرانی 2008 له‌ كۆشكی كۆنگره‌كان له‌ به‌غدا.

سه‌ره‌تاش لیژنه‌ی كارو خزمه‌تگوزاری ڕاپۆرتێكی پێشكه‌شكرد ده‌رباره‌ی باری كاره‌با له‌ وڵات، ئه‌وه‌بوو ڕاپۆرته‌كه‌ ئاماژه‌ی به‌وه‌كردبوو كه‌ ڕێژه‌ی به‌رهه‌مهێنانی كاره‌با له‌م مانگه‌دا 50%ی ڕێژه‌ی پێویست بوو، هه‌روه‌ك نزیكه‌ی 3600 میگاوات دابه‌شكراوه‌ به‌سه‌ر پارێزگاكان به‌پێی ژماره‌ی دانیشتوان، به‌ڵام زۆرێك له‌ پارێزگاكان له‌و بڕه‌كه‌ی بۆیان دیاریكراوه‌ زیاتر كاره‌با به‌كاردێنن و سه‌ره‌ڕای ئه‌وه‌ش خراپی هێڵه‌كانی گه‌یاندن بۆته‌ هۆی قه‌تیش بوونی به‌شێكی زۆری وزه‌ی كاره‌با.

دانیشتنه‌كه‌ش به‌ خوێندنی چه‌ند ئایه‌تێك له‌ قورئانی پیرۆز ده‌ستی پێكردو پاشان ناوی ئه‌ندامانی ئاماده‌نه‌بوو له‌ دانیشتنی ڕابردوو خوێنرایه‌وه‌.