شێخ هومام حه‌مودی سه‌رۆكی لیژنه‌ی په‌یوه‌ندیه‌كانی ده‌ره‌وه‌ ڕۆژی چوارشه‌ممه‌ به‌رواری 11ی حوزه‌یرانی 2008 چاوی كه‌وت به‌ به‌ڕێز كریستۆڤه‌ر باڵوێزی به‌ریتانیا له‌ به‌غدا، له‌ دیداره‌كه‌دا هه‌ڵبژاردنی ناوخۆیی پارێزگاكان كه‌ بڕیاره‌ له‌ مانگی تشرینی یه‌كه‌می داهاتوو ئه‌نجام بدرێت تاووتوێكرا.

لیژنه‌ی په‌یوه‌ندیه‌كانی ده‌ره‌وه‌ به‌سه‌رۆكایه‌تی شێخ هومام حه‌مودی كۆبۆوه‌ به‌ ئاماده‌بوونی شاندێكی وه‌زاره‌تی ده‌ره‌وه‌ به‌سه‌رۆكایه‌تی له‌بید عه‌باوی، له‌ دانیشتنه‌كه‌دا شاندی وه‌زاره‌تی ده‌ره‌وه‌ گوێبیستی تێبینیه‌كانی لیژنه‌ی په‌یوه‌ندیه‌كانی ده‌ره‌وه‌ بووده‌رباره‌ی پڕۆژه‌ی یاسای خزمه‌تی ده‌ره‌وه‌ پاش ئه‌وه‌ی كه‌ لیژنه‌ی په‌یوه‌ندیه‌كانی ده‌ره‌وه‌ به‌رده‌وام بوو له‌سه‌ر لێكۆڵینه‌وه‌ی پڕۆژه‌ یاساكه‌، ئه‌وه‌بوو لیژنه‌ چه‌ند هه‌مواركردنێكی گرنگی ئه‌نجامدابوو له‌سه‌ر پڕۆژه‌ یاساكه‌ سه‌ره‌ڕای ڕاستكردنه‌وه‌ی له‌ ڕووی داڕشتنی یاساییه‌وه‌.

سه‌رۆكی لیژنه‌ی په‌یوه‌ندیه‌كانی ده‌ره‌وه‌و شاندی هاوڕێی له‌ په‌راوێزی به‌شداریكردنیان له‌ كۆنگره‌ی پێداچوونه‌وه‌ی یه‌كه‌می په‌یمانی نێوده‌وڵه‌تی له‌گه‌ڵ عێراق له‌ ستۆكهۆڵم، به‌رواری 30_ئایاری 2008 سه‌ردانی په‌رله‌مانی سویدیان كردو شانده‌كه‌ چاوی كه‌وت به‌ جێگری سه‌رۆكی لیژنه‌ی په‌یوه‌ندیه‌كانی ده‌ره‌وه‌ له‌ په‌رله‌مان و ژماره‌یه‌ك له‌ په‌رله‌مانتارانی ئه‌و وڵاته‌.