رۆژنامه‌ی‌ (البینه‌ الجدیده‌ ) له‌ راپه‌ره‌ سێی‌ ژماره‌ 1810ی‌ رۆژی‌ 23/7/2013دا وتارێكی‌ له‌ ژێر ناونیشانی‌ (مهزله‌ برلمانیه‌ ، یوما واحدا للبرلمان فحصل علی‌ راتب تقاعدی‌ كامل وممیزات مدی‌ الحیاه‌ ـــ  كاڵته‌جاری‌ په‌رله‌مان ، ئه‌حمه‌د رازی‌ خزر به‌ یه‌ك رۆژ له‌ په‌رله‌مان مووچه‌ی‌ ته‌واوی‌ خانه‌نشینی‌ وجیاوازی‌ تامردن پێبه‌خشرا ) ، ئه‌وه‌ دووپاتده‌كه‌ینه‌وه‌ په‌رله‌مانتاری‌ ناوبراو له‌ 1ماوه‌ی‌ نێوان 8/10/2012تا كۆتایی‌ خولی‌ هه‌ڵبژاردنی‌ یه‌كه‌م له‌ 130 دانیشتندا به‌شداریی‌ كردووه‌ ، ئه‌وه‌ی‌ رۆژنامه‌كه‌ بلاَویكردۆته‌وه‌ ده‌ستدرێژی‌ كردنه‌ بو سه‌ر ئه‌نجوومه‌نی‌ نوێنه‌ران و ئه‌ندامه‌كانی‌ وئه‌وه‌ی‌ دووباره‌ بلاَویكرده‌وه‌ له‌ راستگۆیی‌ داده‌شكێنێ‌. له‌ كاتێكدا ئه‌م جۆره‌ هه‌والاَنه‌  به‌ته‌واوه‌تی‌ به‌درۆ ده‌خه‌ینه‌وه‌ جارێكی‌ تر ئه‌وه‌ دووپاتده‌كه‌ینه‌وه‌ كه‌ پێویسته‌ له‌ سه‌ر دامه‌زراوه‌كانی‌ راگه‌یاندن له‌وانیش رۆژنامه‌ی‌ باسكراو و په‌یامنێره‌كانیان  ، به‌ وردی‌ و مه‌وزوعییه‌ته‌وه‌ هه‌واڵه‌كان بگه‌ێنن وپێش بلاَوكردنه‌وه‌ی‌ دڵنیابن له‌ راستگۆیی‌ و بنه‌ماكانی‌ كاری‌ رۆژنامه‌وانی‌ په‌یره‌و  بكه‌ن .
فه‌رمانگه‌ی‌ راگه‌یاندن
ئه‌نجوومه‌نی‌ نوێنه‌رانی‌
عیراق